TJMM OTT Release : सिनेमागृहात धुमाकूळ घातल्यानंतर रणबीर-श्रद्धाचा 'तू झूठी मैं मक्कार' ओटीटीवर होणार रिलीज; जाणून घ्या कुठे पाहू शकता?

Tu Jhoothi Main Makkaar : 'तू झूठी मैं मक्कार' हा सिनेमा बॉक्स ऑफिसवर धुमाकूळ घालत असून लवकरच ओटीटी प्लॅटफॉर्मवर रिलीज होणार आहे.

Tu Jhoothi Main Makkaar

Tu Jhoothi Main Makkaar : बॉलिवूडचा सुपरस्टार रणबीर कपूर (Ranbir Kapoor) आणि श्रद्धा कपूरचा (Shraddha Kapoor) 'तू झूठी मैं मक्कार' (Tu Jhoothi Main Makkaar) हा सिनेमा आता सिनेमागृहात रिलीज झाला आहे. बॉक्स ऑफिसवर हा सिनेमा धुमाकूळ घालत आहे. आता सिनेमागृहात धुमाकूळ घातल्यानंतर हा सिनेमा ओटीटी प्लॅटफॉर्मवर रिलीज होणार आहे. 

'तू झूठी मैं मक्कार' कोणत्या ओटीटी प्लॅटफॉर्मवर रिलीज होणार? 

'तू झूठी मैं मक्कार' हा सिनेमा 8 मार्चला सिनेमागृहात प्रदर्शित झाला आहे. आता हा सिनेमा ओटीटीवर कधी येणार याची चाहत्यांना उत्सुकता लागली आहे. अशातच रणबीर आणि श्रद्धाच्या चाहत्यांसाठी एक आनंदाची बातमी समोर आली आहे. 'तू झूठी मैं मक्कार' हा सिनेमा लवकरच नेटफ्लिक्स (Netflix) या ओटीटी प्लॅटफॉर्मवर प्रदर्शित करण्यात येणार आहे.

'तू झूठी मैं मक्कार'चा बॉक्स ऑफिसवर बोलबाला

'तू झूठी मैं मक्कार' या सिनेमाची चाहते गेल्या काही दिवसांपासून प्रतीक्षा करत होते. ओपनिंग डेला या सिनेमाने बॉक्स ऑफिसवर चांगलाच धमाका केला. रिलीजच्या पहिल्या दिवशी या सिनेमाने 15.73 कोटींची कमाई केली आहे. तर दुसऱ्या दिवशी या सिनेमाने 9 कोटींची कमाई केली आहे. अशाप्रकारे आतापर्यंत या सिनेमाने 24.73 कोटींचा गल्ला जमवला आहे. त्यामुळे सध्या बॉक्स ऑफिसवर रणबीर-श्रद्धाच्या 'तू झूठी मैं मक्कार'चा बोलबाला पाहायला मिळत आहे. 

प्रेक्षकांचा सकारात्मक प्रतिसाद मिळणारा 'तू झूठी मैं मक्कार'

'तू झूठी मैं मक्कार' या सिनेमाच्या दिग्दर्शनाची धुरा लव रंजनने सांभाळली आहे. हा रोमॅंटिक कॉमेडी सिनेमा प्रेक्षकांच्या पसंतीस उतरला आहे. तब्बल 95 कोटींमध्ये या सिनेमाची निर्मिती करण्यात आली आहे. 'पठाण'नंतर सकारात्मक प्रतिक्रिया मिळणारा 'तू झूठी मैं मक्कार' हा बॉलिवूडचा पहिलाच सिनेमा आहे. 'पठाण'मुळे 'तू झूठी मैं मक्कार' या सिनेमाला प्रेक्षकांचा चांगला प्रतिसाद मिळेल की नाही, अशी शक्यता वर्तवली जात होती. पण चांगलं कथानक असेल तर त्या सिनेमाला प्रेक्षकांचा चांगला प्रतिसाद मिळतो हे 'तू झूठी मैं मक्कार' या सिनेमाने पुन्हा सिद्ध केलं आहे. 

तगडी स्टारकास्ट असलेला 'तू झूठी मैं मक्कार' 

'तू झूठी मैं मक्कार' या सिनेमात श्रद्धा कपूर आणि रणबीर कपूर मुख्य भूमिकेत असले तरी बॉलिवूड अभिनेता कार्तिक आर्यनची झलकदेखील प्रेक्षकांना या सिनेमात पाहायला मिळत आहे. श्रद्धा-रणबीरसह डिंपल कपाडिया, बोनी कपूर, हसलीन कौर, राजेस जैस, आयशा राजा मिश्रादेखील या सिनेमात महत्त्वाच्या भूमिकेत आहेत. 

संबंधित बातम्या