Trial Period Trailer: 30 दिवसाच्या ट्रायलवर असणारा 'बाबा'; जिनिलिया देशमुख आणि मानव कौल यांच्या 'ट्रायल पीरियड'चा भन्नाट ट्रेलर रिलीज
अभिनेत्री जिनिलिया डिसूजा (Genelia D'souza) आणि अभिनेता मानव कौल (Manav Kaul) यांचा ट्रायल पीरियड हा चित्रपट लवकरच प्रेक्षकांच्या भेटीस येणार आहे.
Genelia D'souza and Manav Kaul Movie Trial Period: कपडे खरेदी करताना अनेक वेळा तुम्ही त्या कपड्यांचा ट्रायल घेत असाल. ट्रायल घेणे म्हणजे कोणतीही वस्तू खरेदी करण्याआधी ती वापरुप पाहणे, पण बाबांना ट्रायलवर घेतलं आहे, असं कधी तुम्ही कोणाकडून ऐकलं आहे का? नुकताच ट्रायल पीरियड (Trial Period) या चित्रपटाचा धमाकेदार ट्रेलर प्रेक्षकांच्या भेटीस आला आहे. या चित्रपटात 30 दिवस ट्रायल पीरियडवर घेण्यात आलेल्या वडिलांची गोष्ट दाखवण्यात येणार आहे.
अभिनेत्री जिनिलिया डिसूजा (Genelia D'souza) आणि अभिनेता मानव कौल (Manav Kaul) यांचा ट्रायल पीरियड हा चित्रपट लवकरच ओटीटी प्लॅटफॉर्मवर रिलीज होणार आहे. या चित्रपटाचा ट्रेलर नुकताच प्रेक्षकांच्या भेटीस आला आहे. या ट्रेलरमध्ये दिसते की, एक लहान मुलगा त्याच्या आईकडे बाबा पाहिजे, अशी मागणी करतो. त्यानंतर त्या मुलाची आई त्याच्यासाठी ट्रायलवर वडील आणते.
चित्रपटाची स्टार कास्ट
जिनिलिया डिसूजा आणि मानव कौल यांच्यासोबतच शक्ति कपूर, शीबा चड्ढा, गजराज राव हे कलाकार देखील या चित्रपटात प्रमुख भूमिका साकारणार आहेत. या चित्रपटात जिनिलिया ही एका सिंगल मदरची भूमिका साकारणार आहे तर मानव हा ट्रायल फादरची भूमिका साकारणार आहे. या चित्रपटाची प्रेक्षक उत्सुकतेने वाट बघत आहेत.
कधी रिलीज होणार ट्रायल पीरियड?
ट्रायल पीरियड हा चित्रपट 21 जुलै रोजी रिलीज होणार आहे. हा चित्रपट जियो सिनेमा या ओटीटी प्लॅटफॉर्मवरुन प्रेक्षकांच्या भेटीस येणार आहे. अलेया सेन यांनी या चित्रपटाचं दिग्दर्शन केलं आहे. कॉमेडी आणि इमोशन्सचा तडका असणाऱ्या या चित्रपटाची प्रेक्षक उत्सुकतेने वाट बघत आहेत.
पाहा ट्रेलर
View this post on Instagram
जिनिलिया आणि मानव यांचे चित्रपट
जिनिलियाचा वेड हा चित्रपट काही महिन्यांपूर्वी प्रेक्षकांच्या भेटीस आला होता. या चित्रपटानं बॉक्स ऑफिसवर धुमाकूळ घातला. तर मानव यांच्या फेम गेम या सीरिजमधील अभिनयाला प्रेक्षकांची पसंती मिळाली. जिनिलिया आणि मानव यांच्या ट्रायल पीरियड (Trial Period) या चित्रपटाची प्रेक्षक उत्सुकतेने वाट बघत आहेत.
इतर महत्वाच्या बातम्या:
Riteish Deshmukh, Genelia D'Souza : रितेश आणि जिनिलियाचा कॉमेडी अंदाज; व्हिडीओ पाहून खळखळून हसाल
Before You Go
Celebrity vs Politicians Cricket Match Sangli: सिद्धार्थ जाधवची फटकेबाजी, विशाल पाटलांची जबरदस्त फिल्डिंग
महत्त्वाच्या बातम्या
