TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या
Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.
TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -
'हार्ट ऑफ स्टोन'मध्ये आलिया मुख्य भूमिकेत
बॉलिवूडबरोबरच हॉलिवूडमधील चित्रपटांना देखील प्रेक्षकांची पसंती मिळते. प्रसिद्ध अभिनेत्री प्रियांका चोप्रानं तसेच अभिनेत्री दीपिका पादुकोणनं हॉलिवूडमध्ये काम करून परदेशातील प्रेक्षकांची मनं जिंकली. आता लवकरच आलिया भट्टदेखील हॉलिवूडमध्ये पदार्पण करणार आहे. आलिया ही हॉलिवूडमधील प्रसिद्ध अभिनेत्री गल गडोट सोबत स्पाय थ्रिलर चित्रपट 'हार्ट ऑफ स्टोन' मध्ये प्रमुख भूमिका साकारणार आहे. या चित्रपटाचे दिग्दर्शन दिग्दर्शक टॉम हार्पर हे करणार आहेत. हा चित्रपट नेटफ्लिक्सवर प्रदर्शित होणार आहे.
'अनन्या' सिनेमा 'या' दिवशी होणार प्रदर्शित
बहुचर्चित 'अनन्या' सिनेमा अखेर 10 जून 2022 रोजी प्रदर्शित होणार आहे. महिला दिनाच्या निमित्ताने 'अनन्या'चे पोस्टर प्रेक्षकांच्या भेटीला आले आहे. 'शक्य आहे, तुम्ही जे ठरवाल ते शक्य आहे', अशी या सिनेमाची सकारात्मक टॅगलाईन आहे. हृता दुर्गुळे या सिनेमात मुख्य भूमिकेत आहेत. 'अनन्या' सिनेमाचे लेखन आणि दिग्दर्शन प्रताप कड यांनी केले आहे.
केदार शिंदेंनी केली 'बाईपण भारी देवा' सिनेमाची घोषणा
महिला दिनी केदार शिंदेंनी त्यांच्या आगामी सिनेमाची घोषणा केली आहे. 'बाईपण भारी देवा' असे या सिनेमाचे नाव आहे. या सिनेमात सहा प्रमुख लोकप्रिय महिला कलाकार असणार आहेत. पण त्यांची नावं अद्याप गुलदस्त्यातच ठेवण्यात आली आहेत. केदार शिंदेंनी सोशल मीडियाद्वारे 'बाईपण भारी देवा' सिनेमाची घोषणा केली आहे.
तापसी पन्नूने शेअर केले 'शाबास मिथू'चे नवे पोस्टर
बॉलिवूड अभिनेत्री तापसी पन्नूने तिच्या आगामी 'शाबास मिथू' सिनेमाचे पोस्टर सोशल मीडियावर शेअर केले आहे. 'शाबास मिथू' हा सिनेमा गेल्या अनेक दिवसांपासून चर्चेत आहे. खास महिला दिनानिमित्त या सिनेमाचे पोस्टर रिलीज करण्यात आले आहे. पोस्टरमध्ये तापसीने हातात हेल्मेट आणि बॅट घेतलेली दिसत आहे. भारतीय महिला क्रिकेट संघाची कर्णधार मिताली राजच्या आयुष्यावर आधारित हा सिनेमा असणार आहे.
'द कश्मीर फाइल्स'च्या दिग्दर्शकांचा कपिल शर्मावर आरोप
चित्रपट दिग्दर्शक विवेक अग्निहोत्री यांचा चित्रपट 'द कश्मीर फाइल्स' हा चित्रपट सध्या चर्चेत आहे. हा चित्रपट 11 मार्च रोजी प्रदर्शित होणार आहे. त्याआधी या चित्रपटाचे निर्माते चित्रपटाचे प्रमोशन करत आहेत. काही दिवसांपूर्वी या चित्रपटाच्या स्पेशल स्क्रीनिंगचे आयोजन करण्यात आले होते. त्यावेळी स्क्रीनिंगला उपस्थित असणाऱ्या प्रेक्षकांनी या चित्रपटाचे कौतुक केले. 'द कश्मीर फाइल्स' चित्रपटाला अनेकांनी वेगवेगळ्या प्रतिक्रिया दिल्या. या चित्रपटाचे प्रमोशन 'द कपिल शर्मा' शोमध्ये करण्याचा सल्ला चाहत्यांनी विवेक अग्निहोत्री यांना दिला. पण त्या चाहत्यांना उत्तर देत विवेक यांनी कपिलवर आरोप केले आहेत.
संबंधित बातम्या
Man Udu Udu Zhala : सानिका आई होणार... पण दिपू घरच्यांना सांगणार का सानिका आणि कार्तिकच्या लग्नाचं सत्य?
Majhi Tujhi Reshimgath : नेहाला भेटण्यासाठी यशची कसरत, दुधवाला बनुण जाणार घरी
Ott Web Series : सस्पेन्स अन् सायकोलॉजिकल थ्रिलर; शेवटपर्यंत उत्सुकता ताणून धरणाऱ्या 'या' सीरिज नक्की पाहा
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
