TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या

Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.

TOP_5_Entertainment_News

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -

चार सिनेमात टक्कर, सिनेमागृहांबाहेर झळकतोय हाऊसफुल्लचा बोर्ड

गेल्या काही दिवसांत अनेक बिग बजेट सिनेमे प्रदर्शित झाले आहेत. सिनेमागृह सुरू झाल्यापासून बॉलिवूडच्या दिग्गज कलाकारांचे सिनेमे एका पाठोपाठ एक प्रदर्शित होत आहेत. या स्पर्धेत मराठी सिनेमांनीदेखील त्यांचा दबदबा कायम ठेवला आहे. विकेंण्डला अनेक सिनेमागृहांबाहेर हाऊसफुल्लचा बोर्ड झळकत आहे. गंगूबाई काठियावाडी, पावनखिंड, भीमला नायक आणि वालीमाई सिनेमा सध्या सिनेमागृहात धुमाकूळ घालतो आहे. 

अभिज्ञा भावेच्या पतीची कॅन्सरशी झुंज

अभिनेत्री अभिज्ञा भावेचा पती मेहुल पै सध्या कॅन्सरशी झुंज देत आहे. अभिज्ञा आणि मेहुलचे हॉस्पिटलमधील फोटो समोर आले आहेत. हे फोटो सोशल मीडियावर चांगलेच व्हायरल होत आहेत. मेहुलला कॅन्सरसोबत लढण्यात अभिज्ञा खंबीरपणे त्याच्या पाठीशी उभी असल्याचे या फोटोमध्ये दिसून येत आहे. त्याचे चाहते मेहुलला लवकरे बरे वाटावे अशी प्रार्थना करत आहेत. इंस्टाग्रामवर हॉस्पिटलमधील फोटो शेअर करत अभिज्ञाने लिहिले आहे,'मला आयुष्यात अनेक मूर्ख भेटले मात्र, त्यामधील सर्वात मोठा मूर्ख कर्करोग आहे. माफ कर पण तु चुकीच्या व्यक्तीला निवडलं आहेस'.

अभिनेत्री श्रुती हासनला कोरोनाची लागण

अभिनेत्री श्रुती हासनला कोरोनाची लागण झाली आहे. श्रुतीने इंस्टाग्रामवर पोस्ट शेअर करत यासंदर्भात माहिती दिली आहे. श्रुतीने इंस्टाग्रामवर पोस्ट शेअर करत लिहिले आहे,"सर्वप्रकारे काळजी घेऊनही माझी कोरोना चाचणी सकारात्मक आली आहे. पण आता प्रकृतीत सुधारणा होत आहे". श्रुतीने शेअर केलेल्या या पोस्टवर श्रुतीचे चाहते आणि कलाकारमंडळी तिला काळजी घेण्याचा सल्ला देत आहेत.

टांझानियन भाऊ-बहिणीने पंतप्रधान मोदींना केलं इम्प्रेस

टांझानियातले भाऊ-बहीण सध्या बॉलिवूड चित्रपटांमधील प्रसिद्ध गाण्यांवर लिपसिंक करून इंटरनेट सेंसेशन बनले आहेत. या भाऊ-बहिणीने आपल्या व्हिडीओने पंतप्रधान नरेंद्र मोदी यांनादेखील इम्प्रेस केलं आहे. आज पंतप्रधान मोदी यांनी मन की बात या कार्यक्रमात किली पॉल आणि नीमा पॉल यांचे खूप कौतुक केले आहे. मोदी म्हणाले की,''दोघांनाही भारतीय संगीताची आवड आहे. भारतीय संगीताच्या त्यांच्या या आवडीमुळे ते खूप लोकप्रिय देखील झाले आहेत.''

लंडनच्या रेस्टॉरंटमध्ये लिओनार्डो डि कॅप्रिओसोबत दिसल्या नताशा पूनावाला

हॉलिवुड सुपरस्टार लिओनार्डो डि कॅप्रिओ आणि सीरम इन्स्टिट्यूट ऑफ इंडियाच्या कार्यकारी संचालक नताशा पूनावाला नुकतेच एकत्र स्पॉट झाले आहेत. त्यांच्या भेटीचे फोटो देखील सोशल मीडियावर तुफान व्हायरल होत आहे. नताशा या सीरम इन्स्टिट्यूट ऑफ इंडियाचे सीईओ अदर पूनावाला यांच्या पत्नी आहेत. नताशा यांचे अनेक बॉलीवूड कलाकारांशी मैत्रीपूर्ण संबंध आहेत. अभिनेत्री करीना कपूर खान, मलायका अरोरा, अमृता अरोरा आणि करिश्मा कपूर यांच्या गर्ल गँगमध्ये नताशा यांचाही समावेश आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha