Ganapath Movie : 'गणपत' सिनेमाच्या शूटिंग दरम्यान टायगर श्रॉफच्या डोळ्याला दुखापत, फोटो शेअर करत दिली माहिती

Ganapath Movie : गणपत सिनेमाच्या शूटिंग दरम्यान टायगर श्रॉफच्या डोळ्याला दुखापत झाली आहे. फोटो शेअर करत त्याने त्यासंदर्भात माहिती दिली आहे.

टायगर_श्रॉफ

Ganapath Movie : टायगर श्रॉफ (Tiger Shroff) आणि कृती सेननचा (Kriti Sanon) गणपत (Ganapath) सिनेमा 23 डिसेंबर 2022 ला प्रदर्शित होणार आहे. टायगर श्रॉफ आणि कृती सेनन अमेरिकेत गणपत सिनेमाचे शूटिंग करत आहेत. अशातच शूटिंगदरम्यान टायगर श्रॉफच्या डोळ्याला दुखापत झाली आहे. इंस्टा स्टोरीच्या माध्यमातून टायगरने डोळ्याला दुखापत झाल्याची माहिती दिली आहे. 

टायगर श्रॉफने फोटो शेअर करत कॅप्शन लिहिली आहे,"हे गणपत सिनेमाच्या अंतिम काउंट डाउनपूर्वीचे आहे". टायगरने शेअर केलेल्या फोटोत त्याच्या डोळ्याभोवती काळे निळे वण अगदी ठळकपणे दिसत आहेत. 'गणपत' सिनेमा पुढील वर्षी ख्रिसमस दरम्यान प्रेक्षकांच्या भेटीला येणार आहे. तसेच सिनेमा दोन भागांत प्रदर्शित होणार आहे. यापूर्वी टायगर आणि कृती सेननची जोडी 'हिरोपंती' सिनेमाच्या माध्यमातून प्रेक्षकांच्या भेटीला आली होती. त्यामुळे या जोडीला पुन्हा एकदा भेटण्यासाठी प्रेक्षक उत्सुक आहेत. टायगर नेहमीच सिनेमाच्या शूटिंगचे  फोटो आणि व्हिडीओ शेअर करत असतो. त्यामुळे सिनेमात अॅक्शनचा तडका असणार आहे याचा अंदाज येतो.  

सिनेमात टायगर श्रॉफ आणि कृती सेननसोबत दिसणार 'हे' कलाकार
सिनेमात टायगर श्रॉफ आणि कृती सेननसोबत कोणते कलाकार असतील त्याबाबत अनेक अंदाज लावले जात होते. नोरा फतेही आणि नुपुर  सेनॉनचे नावही चर्चेत होती. पण नंतर त्या भूमिकेसाठी अली अवरामची निवड करण्यात आली. अली अवराम गणपतमध्ये महत्तवाच्या भूमिकेत दिसणार आहे. तसेच अमिताभ बच्चनदेखील सिनेमात महत्तवाची भूमिका साकारणार असल्याची शक्यता वर्तवली जात आहे.  

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha