Priyanka Chopra : अखेर Priyanka Chopra ने घटस्फोटाच्या अफवांवर सोडले मौन
Priyanka Chopra : बॉलिवूड अभिनेत्री प्रियांका चोप्राने इन्स्टा आणि ट्विटर अकाउंटवरुन जोनास आडनाव काढून टाकले आहे. पण आता तिने नाव हटवण्यासंदर्भात तिची प्रतिक्रिया दिली आहे.
Priyanka Chopra : बॉलिवूड अभिनेत्री प्रियांका चोप्रा (Priyanka Chopra) गायक-गीतकार निक जोनाससोबत (Nick Jonas) लग्नबंधनात अडकली असून तिने मागील महिन्यात एक धक्कादायक निर्णय घेतला होता. या निर्णयामुळे प्रियांका चोप्रा आणि निक जोनासच्या चाहत्यांना चांगलाच धक्का बसला होता. प्रियांकाने तिच्या इंस्टाग्राम आणि ट्विटर अकाउंटवरून जोनास आडनाव काढून टाकले. त्यामुळे प्रियांका आणि निकच्या नात्याबद्दल अनेक तर्कवितर्क लावत आहेत. अखेर प्रियांकाने या सर्व चर्चांना पूर्णविराम दिला आहे. जोनास आडनाव का हटवले यावर प्रियांकाने मौन सोडले आहे.
प्रियांका चोप्रा आणि निक जोनासच्या संबंधांबद्दल अनेक अफवा पसरवल्या जात आहेत. यावर स्पष्टीकरण देत प्रियांका म्हणाली, माझ्या ट्विटरच्या वापरकर्तानावाला माझे नाव जुळले पाहिजे. म्हणून मी असे नाव ठेवले आहे. लोकांसाठी ही एवढी मोठी समस्या का बनली आहे याचे मला आश्चर्य वाटते.
प्रियांकाची आई मधु चोप्राने दिले होते स्पष्टीकरण
प्रियांका चोप्रा आणि निक जोनासच्या संबंधांबद्दल अनेक अफवा पसरवल्या जात आहेत. यावर स्पष्टीकरण देत मधु चोप्राने सोशल मीडियावर लिहिले आहे,"प्रियांका चोप्रा आणि निकचं नातं तुटलेलं नाही. कृपया अशा अफवा पसरवू नका. दोघांमध्ये सर्व काही ठीक आहे."
View this post on Instagram
लग्नानंतर बदलले होते नाव
प्रियांकाने निक जोनाससोबत 2018 साली मोठ्या थाटामाटात लग्न केले होते. त्यानंतर प्रियांकाने तिचे नाव 'प्रियांका चोप्रा' बदलत 'प्रियांका चोप्रा जोनास' ठेवले होते. पण आता प्रियांकाने तिच्या ट्विटर आणि इंस्टाग्राम अकाउंटवरून जोनास नाव हटवले आहे. त्यामुळे दोघांच्या नात्यासंबंधी अनेक चर्चा सुरू झाल्या आहेत.
प्रियांका चोप्रा सध्या तिच्या आगामी 'द मॅट्रिक्स रिसरेक्शन्स' 'The Matrix Resurrections' या सिनेमामुळे चर्चेत आहे. या सिनेमाचे नुकतेच एक पोस्टर प्रदर्शित झाले होते. 'द मॅट्रिक्स' च्या चौथ्या भागात प्रियांका 'सती'ची भूमिका साकारणार आहे.
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
