(Source: ECI/ABP News/ABP Majha)
The Archies: मैत्री, प्रेम, रोमान्स आणि मतभेद; 'द आर्चीज' चा जबरदस्त ट्रेलर रिलीज; शाहरुखच्या लेकीच्या अभिनयानं वेधलं लक्ष!
The Archies Trailer Out: आर्चीज या चित्रपटाच्या ट्रेलरमधील सुहाना खानच्या (Suhana Khan) अभिनयानं अनेकांचे लक्ष वेधले आहे.
The Archies Trailer Out: द आर्चीज (The Archies) या चित्रपटाचा ट्रेलर रिलीज झाला आहे. या ट्रेलरमध्ये काही मित्रांची गोष्ट दाखवण्यात आली आहे. तरुणपणात मित्रांमध्ये होणारे मतभेद तसेच रोमान्सचा तडका द आर्चीज या वेब सीरिजमध्ये प्रेक्षकांना बघायला मिळणार आहे. द आर्चीज या चित्रपटाच्या ट्रेलरमधील सुहाना खानच्या (Suhana Khan) अभिनयानं अनेकांचे लक्ष वेधले आहे.
'द आर्चीज'च्या ट्रेलरच्या सुरुवातीला सुहाना खान ही वेरोनिका या भूमिकेत दिसत आहेत. वेरोनिकाच्या वडिलांनी आपला व्यवसाय वाढवण्यासाठी ग्रीन पार्कवर एक भव्य हॉटेल बांधण्याचा निर्णय घेतला. वेरोनिकाच्या वडीलांच्या या निर्णयामुळे वेरोनिकामध्ये आणि तिच्या सर्व मित्र-मैत्रिणी मतभेद निर्माण होतात, असं ट्रेलरमध्ये दिसते.
चित्रपटाच्या ट्रेलरवरुन चित्रपटाच्या कथानकाबद्दल माहिती मिळते की हा चित्रपट 1950 आणि 1960 च्या दशकातील कथेवर आधारित असणार आहे. आता झोया अख्तरने अखेर 'द आर्चीज' चित्रपटाचा बहुप्रतिक्षित ट्रेलर सोशल मीडियावर शेअर केला आहे. ट्रेलरमध्ये डान्स, मैत्री, रोमान्स आणि सर्व इमोशन्स दिसत आहेत.
पाहा ट्रेलर:
View this post on Instagram
फ्रिडम, मैत्री, प्रेम आणि हार्ट ब्रेक हे सर्व 'द आर्चीज' या चित्रपटात दाखवण्यात येणार आहे, असं म्हटलं जात आहे. या चित्रपटात आर्ची, बेट्टी, वेरोनिका, जुगहेड, रेगी, एथेल आणि डिल्टन या भूमिकांची कथा दाखवण्यात येणार आहे.
'द आर्चीज' या चित्रपटामधून अनेक स्टार किड्स डेब्यू करत आहेत. यामध्ये शाहरुख खानची मुलगी सुहाना खान, बोनी कपूरची मुलगी खुशी कपूर आणि अमिताभ बच्चन यांची नात अगस्त्य नंदा यांच्या नावाचा समावेश आहे. तसेच 'द आर्चीज'च्या इतर स्टार्समध्ये मिहिर आहुजा, आदिती सहगल, युवराज मेंडा आणि वेदांग रैना यांचा समावेश आहे.
‘द आर्चिज’ कधी आणि कोणत्या प्लॅटफॉर्मवर होणार रिलीज?
‘द आर्चिज’ या चित्रपटाचे दिग्दर्शन झोया अख्तरने केले आहे. हा चित्रपट 'द आर्चीज' या कॉमिक बुकवर आधारित आहे. हा चित्रपट 7 डिसेंबरला नेटफ्लिक्स या ओटीटी प्लॅटफॉर्मवर प्रदर्शित होणार आहे.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
