Thalaiva Release Date Announced: जयललिता यांच्या वाढदिवसानिमित्त कंगना रनौतचे चाहत्यांना गिफ्ट; 'थलाईवी' चित्रपट प्रदर्शनाची तारीख जाहीर

तमिळनाडूच्या माजी मुख्यमंत्री दिवंगत जयललिता (Jayalalithaa) यांच्या जीवनावर आधारीत थलाईवी (Thalaivi) चित्रपटाची रिलीज डेट जाहीर झाली आहे.यात कंगना रनौतने (Kangana Ranaut) जयललिता यांची भूमिका साकारली आहे.

अभिनेत्री आणि सुप्रसिद्ध राजकारणी दिवंगत जयललिता यांच्या जयंतीनिमित्त कंगना रनौत हिने चाहत्यांना भेट दिली. तिने आपल्या आगामी ‘थलाईवी’ चित्रपटाच्या प्रदर्शनाची तारीख जाहीर केली आहे. जयललिता यांच्या जीवनावरील थलाईवी हा चित्रपट आहे, ज्यामध्ये कंगना रनौत मुख्य भूमिकेत आहे. जयललिता यांच्या जयंतीदिनी या चित्रपटाच्या निर्मात्यांनी चित्रपटाची रिलीज डेट 23 एप्रिल 2021 रोजी थिएटरमध्ये प्रदर्शित होणार असल्याचे नमूद केले.

To Jaya Amma, on her birthanniversary Witness the story of the legend, #Thalaivi, in cinemas on 23rd April, 2021. @thearvindswami #Vijay @vishinduri @ShaaileshRSingh @BrindaPrasad1 @neeta_lulla #BhushanKumar @KarmaMediaent @TSeries @vibri_media #SprintFilms @ThalaiviTheFilm pic.twitter.com/JOn812GajH

— Kangana Ranaut (@KanganaTeam) February 24, 2021

हा चित्रपट जयललिता यांचा बायोपिक असून यामध्ये त्यांच्या आयुष्यातील महत्वाच्या घटना दाखवण्यात येणार आहे. कंगनाने या चित्रपटासाठी खूप मेहनत घेतली असून जयललिता यांच्यासारखे दिसण्यासाठी वजनही वाढवले ​​आहे. हा चित्रपट गेल्या वर्षी प्रदर्शित होणार होता. पण, कोरोना लॉकडाऊनमुळे त्याचे चित्रीकरण रखडले जे नोव्हेंबर 2020 मध्ये लॉकडाऊन काढल्यानंतर पूर्ण झाले. ओटीटी प्लॅटफॉर्मवर हा चित्रपट प्रदर्शित होणार असल्याची चर्चा होती. पण कंगनाने हे स्पष्टपणे नाकारले. तिनी सांगितले की हा चित्रपट ओटीटीसाठी तयार केलेला नाही. हा चित्रपट मोठ्या स्क्रीनला समोर ठेऊन शूट करण्यात आला आहे. त्यामुळे आम्ही तो ओटीटीवर प्रदर्षित करणार नाही.

कंगनाने सोशल मीडियावर लिहिले आहे, की जया अम्मा यांच्या जयंतीनिमित्त एका लीजेंडच्या कहाणीचे साक्षीदार व्हा. थलाईवी चित्रपट येत्या 23 एप्रिल 2021 प्रदर्षित होणार आहे. अरविंद स्वामी या चित्रपटात एमजी आरची भूमिका साकारणार आहेत. हा चरित्रपट हिंदी, तमिळ आणि तेलगू भाषांमध्ये प्रदर्शित होईल. चित्रपटाचे दिग्दर्शक ए.एल. विजय आहेत तर विष्णू वर्धन इंदुरी आणि शैलेश आर सिंग यांनी या चित्रपटाची निर्मिती केली आहे.