Telly Masala : श्रेयस तळपदेला हृदयविकाराचा झटका ते 'लस्ट स्टोरीज 2'साठी अमृता सुभाषने पतीच्या मित्रासोबत केलाय इंटिमेट सीन; जाणून घ्या मनोरंजन विश्वासंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

मोठी बातमी : अभिनेता श्रेयस तळपदेला हृदयविकाराचा धक्का, तातडीने अँजिओप्लास्टी

मुंबई : मराठी अभिनेता श्रेयस तळपदे (shreyas talpade) याला हृदयविकाराचा झटका (Heart Attack) आल्याची माहिती समोर आलीये. श्रेयसला मुंबईतील  अंधेरीच्या बेलेव्ह्यू रुग्णालयात दाखल करण्यात आले आहे. हृदयविकाराच्या झटक्यानंतर श्रेयस तळपदेवर अँजिओप्लास्टी करण्यात आली असल्याचं रुग्णालयाकडून माहिती देण्यात आलीये. अवघ्या 47 व्या वर्षी श्रेयस तळपदेला हृदयविकारचा झटका आला.  श्रेयस तळपदे आज 'वेलकम टू द जंगल' (Welcome to Jungle) या चित्रपटाचे शूटिंग करत होता आणि शूटिंग संपल्यानंतर तो घरी पोहोचला तेव्हा त्याला छातीत दुखू लागल्याने त्याला तातडीने रुग्णालयात नेण्यात आले. 

Amruta Subhash : नवऱ्याच्या मित्रासोबत इंटिमेट सीन करताना कशी झालेली अमृता सुभाषची अवस्था? म्हणाली,"माझ्या नवऱ्यानेच"

Amruta Subhash On Intimate Scene : अभिनेत्री अमृता सुभाष (Amruta Subhash) मराठीसह हिंदी मनोरंजनसृष्टी गाजवत आहे. 'लस्ट स्टोरीज 2' (Lust Stories 2) या सीरिजमुळे सध्या ती चर्चेत आहे. या सीरिजमधील अभिनेत्रीचे इंटीमेट सीन्स चांगलेच चर्चेत आले होते. या सीरिजमधील इंटिमेट सीन तिने नवऱ्याच्या मित्रासोबत केला होता.

Marathi Serials : जुई गडकरीची 'ठरलं तर मग' महाराष्ट्रात नंबर 1 मालिका; जाणून घ्या TRP Report

Marathi Serial TRP Rating : मराठी मालिका (Marathi Serial) विश्वात सध्या नवनवीन प्रयोग होत असतात. प्रेक्षकांना मालिकेत खिळवून ठेवण्यासाठी निर्माते सतत मालिकेत नवीन ट्विस्ट आणत असतात. मालिकांसोबतच मालिकांच्या टीआरपी रेटिंगकडेदेखील प्रेक्षकांचे लक्ष लागलेले असते. टीआरपी रिपोर्टमध्ये अनेकदा चढ-उतार पाहायला मिळत असतो. नुकताच या आठवड्याचा टीआरपी रिपोर्ट समोर आला आहे. अभिनेत्री जुई गडकरीच्या (Jui Gadkari) 'ठरलं तर मग' (Tharla Tar Mag) या मालिकेने नेहमीप्रमाणे या आठवड्यातही टीआरपीच्या शर्यतीत बाजी मारली आहे. 

Shreyas Talpade Health Update : श्रेयस तळपदेची प्रकृती स्थिर, डॉक्टरांची माहिती; आज किंवा उद्या मिळणार डिस्चार्ज

Shreyas Talpade : मराठमोळा अभिनेता श्रेयस तळपदेला (Shreyas Talpade) हृदयविकाराचा झटका आला आहे. त्याला मुंबईतील अंधेरी येथील बेलेव्ह्यू रुग्णालयात दाखल करण्यात आलं आहे. हृदयविकाराच्या झटक्यानंतर लगेचच अँजिओप्लास्टी (Angioplasty) करण्यात आली आहे. श्रेयसची प्रकृती आता स्थिर असल्याची माहिती डॉक्टरांनी दिली आहे.

Shreyas Talpade Health Update : श्रेयसची प्रकृती सुधारतेय, तुमच्या शुभेच्छांची गरज आहेच, पण... : दिप्ती तळपदेचं चाहत्यांना भावनिक आवाहन

Shreyas Talpade Health Update : अभिनेता श्रेयस तळपदेला (Shreyas Talpade) हृदयविकाराचा झटका आला असून आता त्याची प्रकृती स्थिर असल्याचं समोर आलं आहे. श्रेयसला हृदयविकाराचा झटका आल्यानंतर चाहत्यांना मोठा धक्का बसला होता. त्याच्या प्रकृतीत लवकरात लवकर सुधारणा व्हावी यासाठी चाहते प्रार्थना करत होते. आता श्रेयसची प्रकृती स्थिर असून लवकरच त्याला डिस्चार्ज मिळणार असल्याची माहिती त्याची पत्नी दिप्ती तळपदेने  दिली आहे.