Telly Masala : पूनम पांडेचं निधन ते सोनाली कुलकर्णी दाक्षिणात्य मनोरंजनसृष्टी गाजवायला सज्ज; जाणून घ्या मनोरंजन विश्वासंबंधित बातम्या

Telly Masala : जाणून घ्या मराठी मनोरंजनसृष्टीसंबंधित बातम्या...

Telly Masala

Telly Masala : मराठी मनोरंजनसृष्टी पुन्हा बहरली आहे. वेगवेगळ्या दर्जाची नाटके (Drama), मालिका (Serial) आणि चित्रपट (Movies) प्रेक्षकांच्या भेटीला येत आहेत. जगभरातील प्रेक्षकांना मराठी कलाकृती आवडत आहेत. पण कलाकाराचं वैयक्तिक आयुष्य कसं आहे, मालिका आणि सिने विश्वात काय घडामोडी घडत आहेत हे जाणून घेण्याची देखील प्रेक्षकांना उत्सुकता आहे. जाणून घ्या मराठी मनोरंजनसृष्टीसंबंधित बातम्या...

Poonam Pandey Death News : मोठी बातमी: मॉडेल पूनम पांडेचं निधन झाल्याचं वृत्त, इन्स्टाग्राम पोस्टमुळे खळबळ!

Poonam Pandey : लोकप्रिय अभिनेत्री, मॉडल पूनम पांडेचं (Poonam Pandey) सर्वायकल कॅन्सर कॅन्सरने निधन झालं आहे. सोशल मीडियावर पोस्ट शेअर करत अभिनेत्रीच्या निधनाची बातमी देण्यात आली आहे. पूनमच्या निधानाने सर्वांनाच मोठा धक्का  बसला आहे. वयाच्या 32 व्या वर्षी तिने अखेरचा श्वास घेतला आहे.

Sonalee Kulkarni : सोनाली कुलकर्णी झळकणार मल्याळम सिनेमात!

Sonalee Kulkarni : मराठी मनोरंजनसृष्टीतील आघाडीच्या अभिनेत्रींमध्ये सोनाली कुलकर्णीचा (Sonalee Kulkarni) समावेश होतो. अभिनेत्रीने आपल्या अभिनयासह नृत्याने सर्वांना वेड लावलं आहे. मराठी मनोरंजनसृष्टी गाजवल्यानंतर आता साऊथमध्ये धुमाकूळ घालायला सोनाली सज्ज आहे. 'मलाइकोट्टाई वालिबान' (Malaikottai Vaaliban) मधील अभिनेत्रीचा लूक आता समोर आला आहे.

Manjiri Prasad Oak : 9 महिन्यांची गरोदर असताना ट्रेनमधून ढकललं अन् पुढे; प्रसाद ओकच्या पत्नीने सांगितला धक्कादायक अनुभव

Manjiri Prasad Oak : अभिनेता प्रसाद ओक (Prasad Oak) आणि त्याची पत्नी मंजिरी ओक (Manjiri Oak) ही मराठी मनोरंजनसृष्टीतील लोकप्रिय जोडी आहे. आता एका मुलाखतीत मंजिरीने आयुष्यात आलेला धक्कादायक अनुभव सांगितला आहे. 9 महिन्यांची गरोदर असताना तिला ट्रेनमधून ढकलण्यात आलं होतं. 

Sharad Ponkshe : "मी ब्राह्मण आहे, माझ्या घरीदेखील नगरपालिकावाले आले होते"; जात सर्वेक्षणाबद्दल शरद पोंक्षेंचं वक्तव्य चर्चेत

Sharad Ponkshe : अभिनेता पुष्कर जोगने (Pushkar Jog) जात सर्वेक्षण करणाऱ्या महापालिका कर्मचाऱ्यांबद्दल वादग्रस्त वक्तव्य केलं. त्यानंतर नेटकऱ्यांनी त्याची चांगलीच शाळा घेतली. अभिनेता अभिजीत केळकरने (Abhijeet Kelkar) खास पत्र लिहित आपला संताप व्यक्त केला. अशातच आता शरद पोंक्षे (Sharad Ponkshe) यांनीदेखील जात सर्वेक्षणाबाबत आपलं मत मांडलं आहे.

Ketaki Chitale : "आता खरं रुप दिसलं, सनातनींमध्ये यांना फूट पाडायची आहे"; केतकी चितळेची मनोज जरांगेंवर खरमरीत टीका

Ketaki Chitale : मराठी मनोरंजनसृष्टीतील लोकप्रिय अभिनेत्री केतकी चितळे (Ketaki Chitale) तिच्या अभिनयापेक्षा वादग्रस्त वक्तव्यामुळे सध्या चर्चेत आहे. केतकी आणि वाद हे एक समीकरण झालं आहे. काही दिवसांपूर्वी मराठा आरक्षणाच्या सर्वेक्षणासाठी घरी आलेल्या महापालिका कर्मचाऱ्यांसोबत हुज्जत घातली होती. अशातच आता तिने मनोज जरांगे (Manoj Jarange) यांच्या एका वक्तव्यावर खास पोस्ट शेअर करत टीका केली आहे.