Abhishek Bachchan: 'अभिषेक बच्चन हा त्याच्या वडिलांइतका टॅलेंटेड नाही' तस्लिमा नसरीन यांचे ट्वीट; अभिषेकच्या उत्तरानं जिंकली अनेकांची मनं!
प्रसिद्ध लेखिका तस्लीम नसरीन (Taslima Nasrin) यांनी नुकतेच बिग बी आणि अभिषेक यांच्याबद्दल एक ट्वीट शेअर केलं. त्यांच्या ट्वीटला अभिषेकनं (Abhishek Bachchan) दिलेल्या रिप्लायनं अनेकांचे लक्ष वेधले.
Abhishek Bachchan On Taslima Nasrin: बॉलिवूडचे महानायक अशी ओळख असणारे अमिताभ बच्चन (Amitabh Bachchan) हे त्यांच्या अभिनयानं नेहमीच प्रेक्षकांची मनं जिंकतात. तसेच मनेरंजन सृष्टीमध्ये त्यांनी विशेष स्थान निर्माण केलं आहे. अमिताभ यांचा मुलगा अभिषेक (Abhishek Bachchan) हा देखील बॉलिवूडमधील प्रसिद्ध अभिनेता आहे. प्रसिद्ध लेखिका तस्लीम नसरीन (Taslima Nasrin) यांनी नुकतेच बिग बी आणि अभिषेक यांच्याबद्दल एक ट्वीट शेअर केले. या ट्वीटनं अनेकांचे लक्ष वेधलं. पण त्यांच्या ट्वीटला अभिषेकनं दिलेल्या उत्तरानं अनेकांची मनं जिंकली आहेत.
तस्लीम नसरीन यांचे ट्वीट
तस्लीम नसरीन यांनी शेअर केलेल्या ट्वीटमध्ये लिहिलं, 'अमिताभ बच्चन हे त्यांच्या मुलावर म्हणजेच अभिषेक बच्चनवर इतकं प्रेम करतात की त्यांना वाटतं की त्यांच्या मुलाला त्यांच्यामध्ये असणाऱ्या सर्व कौशल्यांचा वारसा मिळाला आहे. तसेच त्यांना वाटतं की, त्यांचा मुलगा सर्वोत्तम आहे. अभिषेक चांगला आहे, पण मला अभिषेक हा अमिताभ बच्चन यांच्या एवढा टॅलेंटेड वाटत नाही.' तस्लीम यांच्या या ट्वीटनं अनेकांचे लक्ष वेधले. पण नंतर हे ट्वीट तस्लीम यांनी डिलीट केले.
अभिषेकचा रिप्लाय
अभिषेकनं तस्लीम नसरीन यांच्या ट्वीटला रिप्लाय दिला, 'अगदी बरोबर, मॅडम. टॅलेंट किंवा इतर कोणत्याही गोष्टीबाबत माझी आणि त्यांची तुलना होऊच शकत नाही ते नेहमीच "सर्वोत्तम" राहणार आहेत. मला माझ्या वडिलांचा अभिमानी वाटतो.' अभिषेकनं दिलेल्या या रिप्लायचं सध्या सोशल मीडियावर अनेक नेटकरी कौतुक करत आहेत.
Absolutely correct, Ma’am. Nobody comes close to him in talent or anything else for that matter. He will always remain “ the best”! I am an extremely proud son. 🙏🏽
— Abhishek 𝐁𝐚𝐜𝐡𝐜𝐡𝐚𝐧 (@juniorbachchan) December 22, 2022
अभिषेकच्या या ट्वीटला अभिनेता सुनिल शेट्टीनं देखील रिप्लाय दिला आहे.
❤️
— Suniel Shetty (@SunielVShetty) December 22, 2022
अभिषेकच्या आगामी चित्रपटांची प्रेक्षक उत्सुकतेने वाट बघत आहेत. त्याच्या बॉब बिस्वास, लुडो,मनमर्जिया, हॅप्पी न्यू इअर, दोस्ताना आणि दिल्ली-6 या चित्रपटांना प्रेक्षकांची पसंती मिळाली.
जाणून घ्या तस्लीमा नसरीन यांच्याबद्दल...
तस्लीमा नसरीन या प्रसिद्ध लेखिका आहेत. त्यांच्या पुस्तकांमुळे चर्चेत असतात. त्यांच्या काही पुस्तकांना बांग्लादेशमध्ये बंदी घालण्यात आली होती. त्यांनी लज्जा (1993),निषिद्ध (2014), फ्रेंच लव्हर (2001) या पुस्तकांचे लिखाण केलं.
वाचा इतर महत्वाच्या बातम्या:
Abhishek Bachchan: 'बेरोजगार' म्हणणाऱ्या ट्रोलरला अभिषेकनं दिलं सडेतोड उत्तर; ट्वीटनं वेधलं लक्ष
महत्त्वाच्या बातम्या
