Sunny Deol Birthday : सनी देओलचा वाढदिवस होणार 'गदर'मय; 1000 तारा सिंहच्या उपस्थित साजरा होणार बर्थडे

Happy Birthday Sunny Deol : अभिनेता सनी देओलसाठी यंदाचा वाढदिवस खूप खास असणार आहे.

Sunny Deol

Sunny Deol : बॉलिवूड अभिनेता सनी देओलसाठी (Sunny Deol) 2023 हे वर्ष वैयक्तिक आणि व्यावसायिकरित्या खूपच खास ठरलं आहे. एकीकडे अभिनेत्याचा एक मुलगा लग्नबंधनात अडकला आहे तर दुसऱ्या मुलाने बॉलिवूडमध्ये पदार्पण केलं आहे. व्यावसायिक आयुष्यात सनीच्या 'गदर 2' (Gadar 2) या सिनेमाने बॉक्स ऑफिसवर रेकॉर्डब्रेक कमाई केली आहे. 

सनी देओलचा आज वाढदिवस (Sunny Deol Birthday) आहे. सनी देओल थाटात आपला वाढदिवस साजरा करणार असल्याची चर्चा आहे. बॉलिवूडकरांच्या उपस्थित त्याचा वाढदिवस साजरा होणार असल्याचे म्हटले जात आहे. तसेच यंदा चाहत्यांसोबतही तो आपला वाढदिवस साजरा करणार आहे. जुहू येथील सनीच्या स्टुडीओबाहेर चाहते अभिनेत्याला वाढदिवसाच्या शुभेच्छा करण्यासाठी येणार आहेत. 

1000 तारा सिंहच्या उपस्थित साजरा होणार सनीचा बर्थडे!

मीडिया रिपोर्टनुसार, सनी देओलचा मोठा चाहतावर्ग आहे. सनीचे देशभरातील चाहते त्याच्या स्टुडिओमध्ये 'तारा सिंह'च्या आयकॉनिक गेटअपमध्ये येणार असल्याचे म्हटले जात आहे. या चाहत्यांसोबत सनी केक कापेल. सनी देओल सध्या आगामी प्रोजेक्टच्या शूटिंगमध्ये व्यस्त आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sunny Deol (@iamsunnydeol)

हेमा मालिनी यांचा 75 वा वाढदिवस नुकताच साजरा झाला. या वाढदिवसाला हिंदी सिनेसृष्टीतील अनेक सेलिब्रिटींनी हजेरी लावली होती. पण सनी देओल मात्र या पार्टीत उपस्थित नव्हता. त्यामुळे नेटकऱ्यांनी अनेक प्रश्न उपस्थित केले. आता हेमा मालिनी सनी देओलला वाढदिवसाच्या शुभेच्छा देणार का याकडे सर्वांचं लक्ष लागलं आहे.

सनी देओलच्या 'टॉप 10' सिनेमांबद्दल जाणून घ्या... (Sunny Deol Top 10 Movies)

बॉर्डर - 7.9
दामिनी - 7.8
घायल - 7.7
चुप - 7.6
डर - 7.6
घातक - 7.5
गदर : एक प्रेम कथा - 7.3
अर्जुन - 7.2
चालबाज - 6.8
बदनाम - 6.7

सनी देओलच्या आगामी सिनेमांबद्दल जाणून घ्या... (Sunny Deol Upcoming Movies)

सनी देओलच्या आगामी सिनेमांत 'लाहौर 1947','बाप','अपने 2','बॉर्डर 2' आणि 'मां तुझे सलाम 2' या सिनेमांचा समावेश आहे. तसेच अभिनेता एका मराठी सिनेमात झळकणार असल्याचं म्हटलं जात आहे. 

सनी देओल आज आपला 66 वा वाढदिवस साजरा करत आहे. सनी देओलचं खरं नाव अजय सिंह देओल आहे. गेल्या चार दशकांपासून सनी देओल प्रेक्षकांचं चांगलच मनोरंजन करत आहे. 100 पेक्षा अधिक सिनेमांत त्याच्या अभिनयाची झलक पाहायला मिळाली आहे.

संबंधित बातम्या