Sidharth Malhotra Kiara Advani Sangeet : सिड-कियाराच्या संगीत सोहळ्यातील फोटो अखेर समोर; लव्हबर्ड्सचा रोमॅंटिक अंदाज
Sidharth Malhotra Kiara Advani : सिद्धार्थ-कियाराच्या संगीत सोहळ्याचे फोटो सोशल मीडियावर व्हायरल होत आहेत.
Sidharth Malhotra Kiara Advani Wedding Sangeet : बॉलिवूड अभिनेता सिद्धार्थ मल्होत्रा (Sidharth Malhotra) आणि कियारा आडवाणी (Kiara Advani) 7 फेब्रवारी 2023 रोजी जैसलमेरच्या सूर्यगढ महालात लग्नबंधनात अडकले. सोशल मीडियावर शाही विवाहसोहळ्याचे फोटो शेअर करत त्यांनी चाहत्यांना यासंदर्भात माहिती दिली. आता त्यांनी त्यांच्या संगीत सोहळ्यातील फोटो शेअर केले आहेत. त्यांचे हे फोटो सध्या सोशल मीडियावर व्हायरल होत आहेत.
कियारा-सिद्धार्थने (Sidharth Malhotra Kiara Advani Sangeet Photo) त्यांच्या संगीत सोहळ्यात मनीष मल्होत्राने डिझाइन केलेले कपडे परिधान केले होते. कियाराचा सोनेरी रंगाचा लेहेंगा आणि सिद्धार्थची काळ्या आणि सोनेरे रंगाची शेरवानी चाहत्यांच्या पसंतीस उतरली आहे. फोटो शेअर करत सिड-कियाराने लिहिलं आहे, "त्या रात्रीबद्दल काहीतरी... काही खास क्षण".
View this post on Instagram
सिड-कियारावर शुभेच्छांचा वर्षाव
सिड-कियाराच्या (Sidharth Malhotra Kiara Advani Wedding) फोटोवर चाहत्यांसह सेलिब्रिटीदेखील शुभेच्छांचा वर्षाव करत आहेत. करण जौहरने कमेंट करत लिहिलं आहे, "स्टनिंग". व्हॅलेंटाईन डेला सिड-कियाराने हळदीचे फोटो शेअर करत लिहिलं होतं, "प्रेमाचा रंग चढलाय". त्यांचे हे फोटोदेखील चाहत्यांच्या पसंतीस उतरले होते. सिड-कियाराने लग्नानंतर ग्रॅंड रिसेप्शनचे आयोजन केले होते. या रिसेप्शनला अनेक बॉलिवूड सेलिब्रिटींनी हजेरी लावली होती.
सिद्धार्थ-कियाराच्या लग्नसोहळ्यात 'नो फोन पॉलिसी'चा अवलंब करण्यात आला होता. त्यामुळे त्यांच्या लग्नसोहळ्यातील फोटो आणि व्हिडीओ सोशल मीडियावर व्हायरल झाले नव्हते. पण दुसरीकडे त्यांच्या चाहत्यांना मात्र शाही विवाहसोहळ्याची उत्सुकता लागली होती. चाहत्यांनी सोशल मीडियाच्या माध्यमातून आपली नाराजादेखील व्यक्त केली होती. त्यामुळे सिड-कियारा आता लग्नसोहळ्यातील फोटो शेअर करत चाहत्यांना लग्नसोहळ्याची झलक दाखवत आहेत.
सिद्धार्थ-कियाराचे आगमी प्रोजेक्ट
सिद्धार्थचा 'मिशन मजनू' हा सिनेमा नुकताच प्रेक्षकांच्या भेटीला आला आहे. सिद्धार्थचा 'योद्धा' हा सिनेमा लवकरच सिनेमागृहात प्रदर्शित होणार आहे. या सिनेमात तो दिशा पाटनी आणि राशी खन्नासोबत झळकणार आहे. तर दुसरीकडे कियारा आडवाणीचा 'सत्यप्रेम की कथा' हा सिनेमा लवकरच प्रेक्षकांच्या भेटीला येणार आहे. या दोन्ही सिनेमांची चाहते आतुरतेने वाट पाहत आहेत.
महत्त्वाच्या इतर बातम्या :
Sidharth Malhotra, Kiara Advani wedding: शुभमंगल सावधान! सिद्धार्थ आणि कियाराचा विवाह सोहळा संपन्न; राजस्थानमध्ये घेतले सात फेरे
महत्त्वाच्या बातम्या
