Shah Rukh Khan : संजय दत्तऐवजी शाहरुख असता 'मुन्नाभाई', त्या एका गोष्टीने...; मकरंद देशपांडेने सांगितला किस्सा

Shah rukh Khan Munna Bhai MBBS : मुन्नाभाईची भूमिका ही शाहरुख खान साकारणार होता. तर, सर्किटचा रोल हा मकरंद देशपांडे साकारणार होता. शाहरुखच्या वाटेची भूमिका ही संजय दत्तला गेली.

Shah rukh Khan Munna Bhai MBBS

Shah rukh Khan Munna Bhai MBBS :  बॉलिवूडमध्ये काही चित्रपट आपली छाप सोडतात. राजकुमार हिरानी (Rajkumar Hirani) यांचा 'मुन्नाभाई एमबीबीएस' (Munna Bhai MBBS) या चित्रपटानेदेखील आपली छाप सोडली. संजय दत्त (Sanjay Dutt) आणि  अर्शद वारसी (Arshad Warsi) यांच्या मुन्नाभाई आणि सर्किट या व्यक्तीरेखा तुफान लोकप्रिय ठरल्या. आजही संजय दत्त आणि अर्शद वारसी यांना याच व्यक्तीरेखांच्या नावाने ओळखले जाते. मु्न्नाभाईची भूमिका ही शाहरुख खान (Shah rukh Khan) साकारणार होता.  तर, सर्किटचा रोल हा मकरंद देशपांडे (Makarand Deshpande) साकारणार होता. मात्र, शाहरुखने आपल्या अडचणीमुळे नकार दिला आणि हा चित्रपट त्याच्या हातातून निसटला. 

अभिनेता मकरंद देशपांडे यांनी याबाबतचा किस्सा एका मुलाखतीत सांगितला. सिद्धार्थ कननला दिलेल्या एका मुलाखतीत मकरंद देशपांडेने पडद्यावर न साकारलेल्या मुन्नाभाईच्या भूमिकेबाबत सांगितले. मकरंद देशपांडे यांनी याआधी शाहरुखसोबत स्वदेश चित्रपटात काम केले होते. 

...तर शाहरुख असता मुन्नाभाई... 

मुन्ना भाई एमबीबीएस'बद्दल मकरंद देशपांडे यांनी सांगितले की, 'मला राजूने (राजकुमार हिरानी) फोन केला. मला आठवते की मी काही दृश्यांवर काम केले होते. मी कदाचित काही इम्प्रोवाइज केले होते. एक गाणं देखील रेकोर्ड केले होते. त्यामध्ये माझा आवाज होता. याआधी शाहरुख खान 'मुन्ना भाई...'मध्ये काम करणार होता, पण खांद्याच्या दुखापतीमुळे तो हा चित्रपट करू शकला नाही. त्यानंतर संजय दत्त आला असल्याचे मकरंद देशपांडे यांनी सांगितले. 

मकरंद देशपांडे यांनी चित्रपट का सोडला?

मकरंद देशपांडे यांना 'मुन्ना भाई एमबीबीएस' का सोडला, असा प्रश्न विचारण्यात आला. यावर बोलताना मकरंदने म्हटले की, शूटिंगच्या तारखा मला मिळायच्या तेव्हा मला भीती वाटायची. चित्रपटाच्या तारखा आल्या तेव्हा राजूने माझ्याकडे 56 दिवस मागितले. हे माझ्यादृष्टीने चुकीची बाब होती. माझ्या आयुष्यात मला नेहमीच एक गोष्ट माहीत आहे की माझा वेळ माझ्यासाठी मौल्यवान आहे आणि मला कोण भूमिका देत आहे आणि कोणती भूमिका देत आहे. किंवा त्या भूमिकेतून मला काय फायदा होईल? तुम्हाला प्रसिद्धी, संपत्ती आणि प्रसिद्धी मिळेल की नाही? हा माझ्यासाठी कधीच प्रश्न पडला नाही.

'मंकी मॅन' मध्ये  मकरंद देशपांडे
 
मकरंद देशपांडे रंगभूमीवर चांगलेच सक्रिय आहेत. मकरंद देशपांडे सध्या देव पटेलच्या मंकी मॅन चित्रपटात झळकले आहेत. हा चित्रपट सध्या भारतात रिलीज झाला नाही. या चित्रपटात सिकंदर खेर आणि शोभिता धुलिपालच्या भूमिका आहेत.