Shah Rukh Khan : जय माता दी! 'Jawan'च्या रिलीजआधी शाहरुख खान वैष्णोदेवीच्या दर्शनाला; चाहते म्हणाले,"एक ही दिल है,कितनी बार जीतोगे"

Shah Rukh Khan Video : बॉलिवूडचा बादशाह शाहरुख खानने 'जवान' (Jawan) सिनेमाच्या रिलीजआधी वैष्णोदेवीचं दर्शन घेतलं आहे.

Shah Rukh Khan

Shah Rukh Khan Visit Vaishno Devi : बॉलिवूडचा बादशाह शाहरुख खान (Shah Rukh Khan) सध्या त्याच्या आगामी 'जवान' (Jawan) या सिनेमामुळे चर्चेत आहे. येत्या 7 सप्टेंबरला हा सिनेमा प्रेक्षकांच्या भेटीला येणार आहे. तर या सिनेमाचा ट्रेलर 31 ऑगस्टला बुर्ज खलिफावर (Burj Khalifa) रिलीज करण्यात येणार आहे. आता ट्रेलर रिलीज होण्यापूर्वी किंग खानने वैष्णोदेवीचं (Vaishno Devi) दर्शन घेतलं आहे. 

शाहरुख खानचा व्हिडीओ व्हायरल (Shah Rukh Khan Video Viral)

शाहरुखचा वैष्णोदेवीचं दर्शन घेतानाचा व्हिडीओ सोशल मीडियावर व्हायरल होत आहे. कडेकोट बंदोबस्तात किंग खान वैष्णोदेवीच्या दर्शनाला पोहोचला आहे. कोणाला कळू नये म्हणून त्याने चेहरा झाकून घेतला होता. पांढऱ्या रंगाचं टी-शर्ट, निळं जॅकेट आणि डेनिम असा काहीसा शाहरुखचा लूक पाहायला मिळाला. 'जवान'च्या रिलीजआधी शाहरुख वैष्णोदेवीच्या दर्शनाला गेला असल्याचं म्हटलं जात आहे. 

शाहरुख खानच्या 'जवान' या सिनेमाची प्रेक्षकांना उत्सुकता आहे. लवकरच हा सिनेमा प्रदर्शित होणार आहे. 'जवान' रिलीज होण्याच्या सात दिवस आधी ट्रेलर रिलीज होणार आहे. आतापर्यंत या सिनेमातील काही गाणी प्रेक्षकांच्या भेटीला आली आहे. ही गाणी प्रेक्षकांच्या पसंतीस उतरली असून सध्या ट्रेडिंगमध्ये आहेत. 

VIDEO | Bollywood actor Shah Rukh Khan offered prayers at the revered Vaishno Devi shrine in Jammu earlier today. His much-anticipated film 'Jawan' is scheduled to be released on September 7.

(Source: Third Party) pic.twitter.com/yxNb5TuxyH

— Press Trust of India (@PTI_News) August 30, 2023

'जवान' सिनेमाबद्दल जाणून घ्या... (Jawan Movie Details)

'जवान' या सिनेमाच्या दिग्दर्शनाची धुरा एटली कुमारने (Atlee Kumar) सांभाळली आहे. 'जवान' या सिनेमात नयनतारा (Nayanthara), विजय सेतुपती (Vijay Sethupathi) आणि सान्या मल्होत्रा (Sanya Malhotra) महत्त्वाच्या भूमिकेत झळकणार आहेत. तर बॉलिवूड अभिनेत्री दीपिका पदुकोणचा (Deepika Padukone) या सिनेमात कॅमिओ असणार आहे. 7 सप्टेंबर 2023 रोजी हा सिनेमा प्रेक्षकांच्या भेटीला येणार आहे.

शाहरुखचा 'जवान' हा सिनेमा पॅन इंडिया सिनेमा आहे. या सिनेमात शाहरुखचे सहा वेगवेगळे लूक पाहायला मिळणार आहेत. हा सिनेमा बॉक्स ऑफिसवर चांगलीच कमाई करणार आहे. 'पठाण'चा रेकॉर्ड हा सिनेमा ब्रेक करू शकतो, अशी शक्यता वर्तवली जात आहे. परदेशानंतर आता भारतातही या सिनेमाच्या अॅडव्हान्स बुकिंगला सुरुवात झाली आहे.

संबंधित बातम्या