Shah Rukh Khan : शाहरुखच्या 'जवान'ची उत्सुकता शिगेला; पहिल्याच दिवशी करणार रेकॉर्डब्रेक कमाई?

Jawan Movie : शाहरुखचा 'जवान' हा सिनेमा येत्या 7 सप्टेंबरला प्रेक्षकांच्या भेटीला येणार आहे.

Shah Rukh Khan Jawan

Shah Rukh Khan Jawan Box Office Collection Day 1 Prediction : बॉलिवूडचा बादशाह शाहरुख खान (Shah Rukh Khan) सध्या 'जवान' (Jawan) या सिनेमामुळे चर्चेत आहे. या सिनेमाची किंग खानचे चाहते आतुरतेने वाट पाहत आहेत. 'पठाण' (Pathaan) सिनेमाच्या माध्यमातून शाहरुखने चार वर्षांनी रुपेरी पडद्यावर कमबॅक केलं होतं. आता त्याचा 'जवान' सिनेमा रेकॉर्डब्रेक कमाई करण्यासाठी सज्ज आहे. 

स्वत:ला सिने-समीक्षक मानणाऱ्या कमल राशिद खान उर्फ केआरकेने (KRK) ट्वीट करत 'जवान' सिनेमा पहिल्या दिवशी किती कमाई करू शकतो याबद्दल भाष्य केलं आहे. शाहरुखच्या 'पठाण' या सिनेमाने जगभरात 1000 कोटींपेक्षा अधिक कमाई केली होती. आता 'जवान' सिनेमा किती कमाई करतो याकडे सर्वांचं लक्ष लागलं आहे. 

'जवान' ओपनिंग डेला करणार 125 कोटींची कमाई

केआरकेने केलेल्या सर्वेनुसार, शाहरुखचा 'जवान' हा सिनेमा रिलीजच्या पहिल्या दिवशी भारतात 75 कोटी आणि जगभरात 125 कोटींची कमाई करू शकतो. शाहरुखचा सिनेमा हिट होणार आहे. या सिनेमाला कोणताही सिनेमा टक्कर देणार नाही. रिलीजआधीच या सिनेमाला मी पाच स्टार देत आहे. सिनेमा चांगला असो वा वाईट  चाहते सिनेमागृहात जाऊन सिनेमा पाहणार आहेत". 

Survey result:- 79% people want to watch #Jawan, means film will get opening of Rs.75Cr in India. https://t.co/eEVVrhU7bq

— KRK (@kamaalrkhan) July 16, 2023

केआकरेने दुसरं ट्वीट करत लिहिलं आहे,"जवान' या सिनेमाने रिलीजच्या पहिल्या दिवशी (Opning Day) भारतात 75 कोटींची कमाई केली तर अक्षय, आमिर आणि हृतिकला कमीत कमी एक आठवडा झोप येणार नाही". केआरकेच्या सर्वेनुसार 79% सिनेप्रेमी आणि शाहरुखचे चाहते 'जवान' पाहण्यासाठी उत्सुक आहेत. त्यामुळे 'जवान' हा सिनेमा नक्कीच रिलीजच्या पहिल्या दिवशी 75 कोटींचा गल्ला जमवेल, अशी शक्यता वर्तवली जात आहे.

If #Jawan gets opening of ₹75Cr in India then Akshay, Ajay, Aamir, Hrithik and Budhaoo won’t sleep at least for a week. They all will drink in the evening, cry and abuse #SRK for full night.🤪😁

— KRK (@kamaalrkhan) July 16, 2023

शाहरुख खानचा 'जवान' हा सिनेमा 7 सप्टेंबर 2023 रोजी सिनेमागृहात प्रदर्शित होणार आहे. शाहरुखसह या सिनेमात नयनतारा (Nayanthara), प्रियामणी (Priyamani), विजय सेतुपती (Vijay Sethupathi) मुख्य भूमिकेत दिसणार आहेत. तर बॉलिवूड अभिनेत्री दीपिका पदुकोणची (Deepika Padukone) झलकही या सिनेमात पाहायला मिळणार आहे. तसेच मराठमोळी अभिनेत्री गिरीजा ओक (Girija Oak) या सिनेमात महत्त्वाच्या भूमिकेत झळकणार आहे. 

संबंधित बातम्या