![metaverse](https://cdn.abplive.com/imagebank/metaverse-top.png)
Samantha Ruth Prabhu : अभिनय क्षेत्रातून ब्रेक घेतल्यानंतर समंथा काय करतेय? अभिनेत्रीच्या नव्या लूकची चर्चा
Samantha Ruth Prabhu : अभिनेत्री समंथा रुथ प्रभूने अभिनय क्षेत्रातून ब्रेक घेतला असला तरी सोशल मीडियावर मात्र चांगलीच चर्चेत आहे.
![Samantha Ruth Prabhu : अभिनय क्षेत्रातून ब्रेक घेतल्यानंतर समंथा काय करतेय? अभिनेत्रीच्या नव्या लूकची चर्चा Samantha Ruth Prabhu flaunts new haircut explores wilderness in Bali amid year after acting break Samantha Ruth Prabhu : अभिनय क्षेत्रातून ब्रेक घेतल्यानंतर समंथा काय करतेय? अभिनेत्रीच्या नव्या लूकची चर्चा](https://feeds.abplive.com/onecms/images/uploaded-images/2023/07/26/54df58278554a1b661fa009a31c6f4c21690357235830254_original.jpg?impolicy=abp_cdn&imwidth=1200&height=675)
Samantha Ruth Prabhu New haircut : दाक्षिणात्य अभिनेत्री समंथा रुथ प्रभू (Samantha Ruth Prabhu) सध्या चर्चेत आहे. काही दिवसांपूर्वी अभिनेत्रीने अभिनय क्षेत्रातून ब्रेक घेत असल्याची घोषणा केली होती. त्यामुळे समंथाचे चाहते नाराज झाले होते. पण अभिनेत्रीने अभिनय क्षेत्रातून ब्रेक घेत असला तरी सोशल मीडियावर मात्र चांगलीच चर्चेत आहे.
समंथाने अभिनय क्षेत्रातून ब्रेक घेतला असून आता ती स्वत:ला वेळ देत आहे. समंथा सोशल मीडियावर चांगलीच अॅक्टिव्ह असून चाहत्यांच्या संपर्कात आहे. नुकताच तिने एक व्हिडीओ सोशल मीडियावर शेअर केला आहे. हा व्हिडीओ चांगलाच व्हायरल होत आहे. या व्हिडीओमध्ये समंथाचा नवा लूक पाहायला मिळत आहे.
समंथाचा नवा लूक पाहिलात का? (Samantha Ruth Prabhu New Look)
समंथाच्या नव्या लूकने सर्वांचं लक्ष वेधून घेतलं आहे. समंथाने नवीन हेअरकट केला आहे. तिने तिचे केस कापले असून खूपच छोटे केले आहेत. व्हिडीओमध्ये एक हॉट टॉप परिधान करुन समंथा तिचा नवा लूक फ्लॉन्ट करताना दिसत आहे. व्हिडीओमधील समंथा खूपच आनंदी दिसत आहे. या व्हिडीओला समंथाने पांढऱ्या रंगाच्या हार्टचं कॅप्शन दिलं आहे.
View this post on Instagram
निसर्गासोबत वेळ घालवतेय समंथा...
समंथा रुथ प्रभूने सोशल मीडियावर काही फोटो शेअर केले आहेत. या फोटोमध्ये ती निसर्गासोबत वेळ घालवताना दिसत आहे. डोक्यावर टोपी आणि पांढऱ्या रंगाचा जंप सूट परिधान केलेली ती दिसत आहे. निसर्गाच्या सानिध्यात अभिनेत्रीला शांतता मिळाली आहे. अभिनेत्रीने तिच्या मैत्रीणीसोबतचा फोटोही शेअर केला आहे.
बाली आधी समंथाचे काही फोटो सोशल मीडियावर व्हायरल झाले होते. या फोटोमध्ये अभिनेत्री ध्यान करताना दिसून आली. अभिनेत्रीने योगी सद्गुरु जगदीश वासुदेव यांच्या आश्रमाला भेट दिली होती. तेथील ध्यान करतानाचे फोटो तिने शेअर केले होते.
समंथा रुथ प्रभूबद्दल जाणून घ्या... (Who Is Samantha Ruth Prabhu)
समंथा रुथ प्रभू ही दाक्षिणात्य मनोरंजनसृष्टीतील लोकप्रिय अभिनेत्री आहे. अनेक तेलुगू सिनेमांत ती महत्त्वाच्या भूमिकेत झळकली आहे. समंथाचा 'शाकुंतमल' (Shaakuntalam) हा सिनेमा काही दिवसांपूर्वी प्रेक्षकांच्या भेटीला आला होता. आजवर समंथाला अनेक पुरस्कारांनी सन्मानित करण्यात आले आहे.
संबंधित बातम्या
Samantha Ruth Prabhu: समंथाचा मोठा निर्णय; अभिनय क्षेत्रातून घेणार ब्रेक, निर्मात्याचे पैसेही दिले परत
महत्त्वाच्या बातम्या
ट्रेंडिंग न्यूज
![metaverse](https://cdn.abplive.com/imagebank/metaverse-mid.png)