सलमान खानचे 8 वन नाइट स्टँड, एक्स गर्लफ्रेंडचा मोठा दावा; शारीरिक शोषण केल्याचा अभिनेत्रीचा आरोप
Salman Khan Ex-Girlfriend Somy Ali Alligations : सलमान खानची एक्स-गर्लफ्रेंड सोमी अली हिने दावा केला आहे की, सलमान खानचे लागोपाठ आठ वन नाईट स्टँड होते. याशिवाय, तिने सलमानवर गंभीर आरोपही केले आहेत.
Somy Ali Alligations On Salman Khan : बॉलिवूड सुपरस्टार सलमान खान लॉरेन्स बिश्नोई गँगच्या निशाण्यावर असल्याने चर्चेत आहेत. बाबा सिद्दीकी यांची हत्या आणि बिश्नोई गँगच्या धमक्यांच्या पार्श्वभूमीवर सलमानच्या सुरक्षेत वाढ करण्यात आली आहे. सलमान खानला वारंवार बिश्नोई गँगच्या धमक्या येत असताना आता त्याचा अडचणीत आणखी वाढ होण्याची शक्यता आहे. सलमान खानची एक्स-गर्लफ्रेंड सोमी अलीने त्याच्यावर गंभीर आरोप केले आहेत. सोमी अलीने सलमान खानचं वर्तन आणि महिलांसोबतचे संबंध याबाबत गंभीर आरोप केले आहेत. सलमान खानच्या असुरक्षिततेमुळे लोक तिच्याशी बोलायचे नाहीत, असंही सोमीने सांगितलं. सलमानच्या वन नाईट स्टँडमुळे ती नाराज असल्याने तिने फिल्म इंडस्ट्री सोडण्याचा निर्णय घेतल्याचंही तिने सांगितलं आहे.
सलमान खानचे 8 वन नाइट स्टँड, एक्स गर्लफ्रेंडचा दावा
अभिनेता सलमान खान नेहमीच त्याच्या पर्सनल लाईफमुळे चर्चेत राहिला आहेत. सलमानची एक्स-गर्लफ्रेंड सोमी अली हिने त्याच्यावर गंभीर आरोप केले आहे. सोमी अलीने सलमानसोबत रिलेशनशिपमध्ये असतानाच्या वेळीचे खुलासे केले आहेत. सोमी अलीने काही दिवसांपूर्वी लॉरेन्स बिश्नोईला भेटण्याची इच्छा सोशल मीडियावर व्यक्त केली होती. नोव्हेंबर महिन्यात ती लॉरेन्स बिश्नोईला भेटणार असल्याचंही तिने म्हटलं होतं. त्यामुळे ती पुन्हा चर्चेत आली. आता तिने सलमानबाबत अनेक दावे करत त्याच्यावर गंभीर आरोपही केले आहेत.
सलमान खानवर सोमी अलीचा गंभीर आरोप
सोमी अलीने एका मुलाखतीत सांगितलं की, तिने बॉलिवूड चित्रपटांमध्ये काम केलं आहे, पण आजही लोक तिला सलमान खानची एक्स-गर्लफ्रेंड म्हणून ओळखतात, जे तिला आवडत नाही. सोमी अली म्हणाली की, "मी खूप वर्षांआधी ॲक्टिंग करियर सोडलं आहे. मी अमेरिकेत माझ्या NGO चं काम करत आहे, जे खूप चांगल्याप्रकारे सुरु आहे. अमेरिकेत मी चांगलं काम केलं आहे. मी खूप काही कमावलं आहे, पण तरीही लोक मला सलमान खानची एक्स-गर्लफ्रेंड या नावाने ओळखतात". सोमी अलीने आयएएनएसला दिलेल्या मुलाखतीत हे वक्तव्य केलं आहे.
महिलांसोबत सलमान खानचा खास पॅटर्न
सलमान खानसोबतच्या तिच्या नात्याबद्दल बोलताना सोमी म्हणाली की, सलमान खानचा महिलांसोबत एक खास पॅटर्न आहे, त्यानुसार तो बहुतेक सात वर्षे त्यांच्यासोबत राहतो. विशेष म्हणजे सलमान कधीच नातं तोडत नाही, पण मुलगी नातं तोडून निघून जाते.
'या' कारणामुळे सोडली इंडस्ट्री
सोमीने सांगितलं की, सलमान खानच्या एक नव्हे तर आठ वन नाईट स्टँड्समुळे तिने फिल्म इंडस्ट्री सोडण्याचा निर्णय घेतला. "दररोज होणारा शारीरिक आणि मानसिक छळ मला सहन होत नव्हता. मी त्याच्या वन नाईट स्टँडमुळे दु:खी होते, म्हणून मी माझ्या अभ्यासावर लक्ष केंद्रित करण्याचा निर्णय घेतला आणि इंडस्ट्री सोडली", असं सोमीनं सांगितलं.
महत्त्वाच्या इतर बातम्या :
वास्तव चित्रपटाच्या सेटवर संजय दत्तने संजय नार्वेकरांना दिलेली 'अशी' वागणूक; म्हणाले, "मी ते कधीही विसरु शकणार नाही"
महत्त्वाच्या बातम्या
