Sai Tamhankar : बॉलिवूडमध्ये सईचा जलवा! इम्रान हाश्मी आणि प्रतिक गांधीसोबत नव्या प्रोजेक्टमध्ये झळकणार
Sai Tamhankar Latest News : मराठी सिनेसृष्टी गाजवल्यानंतर अभिनेत्री सई ताम्हणकर सध्या बॉलिवूड आणि ओटीटीवर आपली छाप सोडत आहे.
Sai Tamhankar : मराठी सिनेसृष्टी गाजवल्यानंतर अभिनेत्री सई ताम्हणकर (Sai Tamhankar) सध्या बॉलिवूड आणि ओटीटीवर आपली छाप सोडत आहे. काही दिवसांपूर्वीच सई ताम्हणकरची भूमिका असलेला भक्षक चित्रपट नेटफ्लिक्सवर रिलीज झाला होता. त्यानंतर आता 'डब्बा कार्टेल' या वेब सीरिजमध्येही ती झळकणार आहे. आता सई ताम्हणकर इम्रान हाश्मी (Emraan Hashmi) आणि प्रतिक गांधीसोबत (Pratik Gandhi) झळकणार आहे.अॅमेझॉन प्राईमवर सईचे हे दोन नवीन प्रोजेक्ट रिलीज होणार आहे.
सई ताम्हणकर एक्सेल एंटरटेनमेंट सोबत दोन नव्या प्रोजेक्ट्स मध्ये दिसणार असून 2024 मध्ये सईचा बॉलिवूडमध्ये डंका वाजणार आहे. इम्रान हाश्मी आणि प्रतीक गांधी यांच्यासोबत ती 'ग्राउंड झिरो’ आणि ‘अग्नी’ मध्ये ती झळकणार आहे. इम्रान हाश्मी आणि प्रतीक गांधी सोबत सईची काय भूमिका असणार याची उत्सुकता लागली आहे.
सई ताम्हणकर हिच्या 'ग्राउंड झिरो' आणि 'अग्नी' या दोन्ही आगामी प्रोजेक्ट च्या घोषणा ॲमेझॉन प्राइम व्हिडिओच्या स्लेट मधून करण्यात आली आहे. सई या दोन्ही प्रोजेक्ट्सचा भाग असणार आहे. या दोन्ही आगामी प्रोजेक्टबद्दल तिच्या चाहत्यांना उत्सुकता लागली आहे.
इम्रान हाश्मी आणि प्रतीक गांधी सारख्या दोन दमदार कलाकारांचा सोबतीने सई दिसणार असून तिच्यासाठी हे प्रोजेक्ट महत्त्वाचे असणार आहेत. सई ताम्हणकरने आपल्या नव्या प्रोजेक्टबद्दल सांगितले की,“ एक्सेल एंटरटेनमेंट सारख्या प्रोडक्शन हाऊस सोबत काम करण्याची संधी मला मिळाली याचा खूप आनंद आहे. कायम वेगवेगळ्या प्रोजेक्टवर एक्सेल काम करते. त्यामुळेच त्यांच्या सोबतीने काम करण्याची वेगळी मज्जा आहे. आता मला त्यांच्यासोबत तिसऱ्यांदा काम करण्याची संधी मिळत असल्याचे सई ताम्हणकरने सांगितले.'डब्बा कार्टेल' सोबतीने " ग्राउंड झिरो " आणि " अग्नी " हे सगळेच प्रोजेक्ट्स माझ्या करिअरचा एक महत्त्वाचा भाग असल्याचे तिने सांगितले.
View this post on Instagram
इम्रान आणि प्रतीकचे कौतुक
तिच्या आगामी प्रोजेक्टमधल्या या सह-कलाकारांबद्दल सईने सांगितले की, " इम्रान हाश्मी आणि प्रतीक गांधी या दोघांची स्तुती करावी तेवढीच कमी आहे. दोघांच्या सोबतीने काम करण्याचा अनुभव खूप शिकवून जाणारा होता. इम्रान आणि प्रतीक हे अप्रतिम अभिनेते आहेत. आम्ही सोबत काम करतोय आणि आता हे काम कधी एकदा प्रेक्षकांसमोर येणार यासाठी आम्ही सगळेच उत्सुक आहोत असेही सईने सांगितले.
ओटीटीवर सईचा जलवा
'ग्राउंड झिरो' आणि 'अग्नी' या व्यतिरिक्त सई 'डब्बा कार्टेल' मध्ये सुद्धा दिसणार आहे. या वर्षाच्या अखेर नेटफ्लिक्सवर 'डब्बा कार्टेल'ही वेब सीरिज रिलीज होणार आहे. एक्सेल एंटरटेनमेंटसोबत सईचा हा तिसरा प्रोजेक्ट असणार आहे. या सीरिजमध्ये शबाना आझमी, ज्योतिका, शालिनी पांडे, निमिषा सजयन, अंजली आनंद, गजराज राव आणि जिशु सेनगुप्ता यांसारख्या दिग्गज कलाकारांचा समावेश आहे.
महत्त्वाच्या बातम्या
