Anant-Radhika Pre Wedding : हॉलिवूडच्या रिहानासमोर बॉलिवूडचे कलाकार फिक्के; अनंत-राधिकाच्या प्री-वेडिंगसाठी घेतलं 'इतकं' मानधन
Anant-Radhika Pre Wedding : अनंत आणि राधिकाच्या प्री-वेडिंग सेलिब्रेशनमध्ये परफॉर्म करण्यासाठी हॉलिवूड गायिका रिहानाही पोहोचली आहे. रिहाना एका खासगी शो साठी मोठं मानधन घेते.
Anant-Radhika Pre Wedding : रिलायन्स समूहाचे अध्यक्ष मुकेश अंबानी (Mukesh Ambani) आणि नीता अंबानी (Nita Ambani) यांचा धाकटा मुलगा अनंत अंबानी (Anant Ambani) जुलैमध्ये वीरेन मर्चंट आणि शैला मर्चंट यांची मुलगी राधिका मर्चंटसोबत (Radhika ) लग्नगाठ बांधणार आहे. मात्र, त्यापूर्वी 1 ते 3 मार्च दरम्यान गुजरातच्या जामनगरमध्ये या प्री-वेडिंगचे कार्यक्रम सुरू झाले आहेत. लग्नाआधीच्या सेलिब्रेशनमध्ये सहभागी होण्यासाठी देश-विदेशातील अनेक बड्या व्यक्ती जामनगरला पोहोचल्या आहेत. अमिताभ बच्चन, सलमान खान आणि शाहरुखपासून दीपिका पदुकोणसह अनेक स्टार्सही जामनगरला पोहोचले आहेत.
अनंत आणि राधिकाच्या प्री-वेडिंग सेलिब्रेशनमध्ये परफॉर्म करण्यासाठी हॉलिवूड गायिका रिहानाही पोहोचली आहे. अनंत-राधिकाच्या प्री-वेडिंग फंक्शनमध्ये परफॉर्म करणार आहे. रिहाना आपल्या टीमसह गुरुवारी जामनगरमध्ये दाखल झाली. रिहाना एका खासगी शो साठी मोठं मानधन घेते.
अनंत-राधिकाच्या प्री वेडिंग फंक्शनसाठी किती मानधन?
अनंत-राधिकाच्या प्री-वेडिंगच्या कार्यक्रमात अर्जित सिंह, प्रीतम, बी प्राक, दिलजीत दोसांझ , हरीहरन, अजय-अतुल आदींचे परफॉर्मन्स होणार आहेत. याच यादीत आंतरराष्ट्रीय पॉप सिंगर रिहानाचे नावही आहे. रिहाना ही जगातील महागड्या कलाकारांपैकी आहे.
अनंत अंबानी आणि राधिका मर्चंट यांच्या प्री-वेडिंग पार्टीमध्ये परफॉर्म करण्यासाठी रिहानाने मोठी रक्कम आकारली असल्याचे वृत्त आहे. रिहानाने अंबानींच्या कार्यक्रमासाठी किती मानधन घेतले, याचा आकडा अजून बाहेर आला आहे. मीडिया रिपोर्ट्सनुसार, रिहानाने एका खाजगी कार्यक्रमात परफॉर्म करण्यासाठी 12 कोटी रुपये (1.5 दशलक्ष डॉलर) ते रुपये 66 कोटी (12 दशलक्ष डॉलर) शुल्क आकारले आहे.
🎤 Rihanna rehearsing "Diamonds" for her upcoming concert in India. pic.twitter.com/b7ZaohuGFz
— FentyStats (@FentyStats) February 29, 2024
रिहानाचे रिहर्सलचे व्हिडिओ व्हायरल
दरम्यान, अनंत-राधिकाच्या प्री-वेडिंग फंक्शनमध्ये परफॉर्म करण्यापूर्वी रिहानाच्या रिहर्सलचे अनेक व्हिडिओ सध्या सोशल मीडियावर व्हायरल होत आहेत. रिहाना तिची टीम आणि तिच्या स्टेज प्रॉप्ससह आली आहे. गुरुवारी संध्याकाळी उशिरा ती रिहर्सल करण्यासाठी स्टेजवर पोहोचली. कार्यक्रमस्थळाचे दोन व्हिडिओ ऑनलाइन लीक झाले आहेत, ज्यामध्ये रेहानाच्या परफॉर्मन्ससाठी मोठा स्टेज तयार करण्यात आल्याचे पाहायला मिळत आहे.
Sneak peek of Rihanna’s stage for her performance in India this weekend 🎤🇮🇳 pic.twitter.com/UHHgoiBkmU
— FentyStats (@FentyStats) February 29, 2024
कोणत्या गाण्यांवर रिहाना करणार परफॉर्मन्स?
रिहाना कोणत्या गाण्यांवर थिरकणार याची उत्सुकता सगळ्यांना लागली आहे. रिहाना आपले सुपरहिट गाणं डायमंड्सवर परफॉर्म करणार असल्याचे म्हटले जात आहे. त्याशिवाय, बर्थ डे केक, राईट नाऊ, वाइल्ड थॉट्स, स्टे, लव्ह यासारखी परफॉर्म करणार असल्याचे म्हटले जात आहे.
महत्त्वाच्या बातम्या
