सलग तिसर्‍या दिवशी सीबीआयकडून रियाची चौकशी, गेल्या दोन दिवसांत तब्बल 17 तास चौकशी

गेल्या दोन दिवसांपासून सीबीआय रियाची चौकशी करत आहे. पहिल्या दिवशी सुमारे 10 तास सीबीआयने रियाची चौकशी केली. तर दुसऱ्या दिवशी 7 तास चौकशी केली.

मुंबई : बॉलिवूड स्टार सुशांतसिंह राजपूत मृत्यूच्या प्रकरणी सीबीआय आज पुन्हा एकदा रिया चक्रवर्तीची चौकशी करणार आहे. याप्रकरणी सीबीआयनं काल, शनिवारी रिया चक्रवर्तीची खूप तास कसून चौकशी केली. पण सीबीआयला आणखीन काही मुद्द्यांवर माहिती घ्यायची आहे. ज्यासाठीच रियाला सगल तिसऱ्या दिवशी चोकशीसाठी बोलवण्यात येतं आहे. सूत्रांच्या माहितीनुसार सीबीआय रियाकडून मिळालेल्या उत्तरांनी समाधानी नाही.

दोन दिवसात 17 तास चौकशी

गेल्या दोन दिवसांपासून सीबीआय रियाची चौकशी करत आहे. पहिल्या दिवशी, शुक्रवारी, 28 ऑगस्टला सीबीआयकडून रियाला प्रथमच बोलावण्यात आले. यादरम्यान,  सुमारे 10 तास सीबीआयने रियाची चौकशी केली. तर शनिवारी 29 ऑगस्ट रोजी रियाची 7 तास चौकशी केली गेली.

मिळालेल्या माहितीनुसार, शनिवारी दुसर्‍या दिवशी चौकशीसाठी रिया डीआरडीओ गेस्ट हाऊसमध्ये पोहोचण्यापूर्वी सुशांत सिंग प्रकरणी संबंधीत सर्व जण उपस्थित होते. यांमध्ये सॅम्युअल मिरांडा, सिद्धार्थ पिठानी, नीरज सिंग यांची सीबीआयने चौकशी केली आहे.

सुशांतच्या बँक खात्यांच्या फॉरेन्सिक ऑडिट रिपोर्टमधून मोठा खुलासा

सुशांत सिंह राजपूततच्या बँक खात्यांच्या ऑडिटमध्ये अतिशय महत्त्वाची माहिती समोर आली आहे. गेल्या पाच वर्षांमध्ये सुशांतच्या बँक अकाऊंटमधून 70 कोटींची उलढाल झाली आहे, म्हणजेच सुशांतच्या अकाऊंटमध्ये 70 कोटी रुपये आले आणि खर्च झाले आहेत.या ऑडिट रिपोर्टमुळे एक गोष्ट स्पष्ट होती की, सुशांत आपलं आयुष्य अगदी मनसोक्त आणि हवं तसं जगत होता. स्वत:वर, मित्रांवर, कुटुंब आणि घरातल्या नोकरावरसुद्धा सुशांत अगदी सहज आणि हवे तसे पैसे खर्च करत होता.

मुंबई पोलिसांनी सुशांत सिंह राजपूत बँक खात्यांचा फॉरेन्सिक ऑडिट रिपोर्ट केला होता. ज्यामध्ये 'Grant Thornton' नावाच्या कंपनीच्या ऑडिट रिपोर्टमध्ये समोर आलं की, सुशांतच्या अकाऊंटमधून रियाच्या अकाऊंटमध्ये कुठल्याही प्रकारचं इलेक्ट्रॉनिक ट्रान्झॅक्शन झालेलं नाही.

महत्त्वाच्या बातम्या :