Nude Photoshoot Controversy : न्यूड फोटोशूट प्रकरणी अभिनेता रणवीर सिंहला मुंबई पोलिसांची नोटीस, लवकरच चौकशीला हजर राहावे लागणार
Ranveer Singh : न्यूड फोटोशूटमुळे अभिनेता रणवीर सिंह याच्या अडचणीत आणखी वाढ झाली आहे, त्याला मुंबई पोलिसांकडून नवी नोटीस देण्यात आली असून लवकरच चौकशीसाठी हजर रहावं लागणार आहे.
Ranveer Singh Nude PhotoShoot : बॉलिवूड अभिनेता रणवीर सिंह (Ranveer Singh) मागील बऱ्याच दिवसांपासून न्यूड फोटोशूटमुळे चर्चेत आहे. रणवीर सिंहच्या न्यूड फोटोशूटने त्याच्या अडचणी बऱ्याच वाढवल्या असून त्याच्यावर गुन्हा देखील दाखल झाला आहे. आता त्याच्या अडचणीत आणखी वाढ झाली असून मुंबई पोलिसांकडून नवी नोटीस त्याला देण्यात आली आहे. यामुळे आता त्याला लवकरच चौकशीसाठी हजर रहावं लागणार आहे.
न्यूड फोटोशूट प्रकरणी मुंबई पोलिसांनी रणवीर सिंहच्या घरी जाऊन त्याच्या विरुद्ध दाखल गुन्ह्यासंदर्भात चौकशीसाठी त्याला नोटीस देण्याचा प्रयत्न आज केला. दरम्यान यावेळी रणवीर सहपरिवार घरी नसल्याने मुंबई पोलिसांना परत यावे लागले. दरम्यान चेंबुर पोलिसांची टीम यावेळी त्याच्या घरी केल्याचं समोर आलं आहे. अशामध्ये त्याला आता पोलिसांनी 16 ऑगस्टपर्यंत नोटीस स्विकार करण्याची सूचना दिली आहे. तसंच त्यासा 22 ऑगस्ट पर्यंत चौकशीसाठी बोलवले जाऊ शकते अशी माहितीही समोर येत आहे.
Maharashtra: Actor Ranveer Singh to be served notice to record his statement in connection with his nude photoshoot controversy; summoned on August 22
— ANI (@ANI) August 12, 2022
A team of Mumbai Police reached his residence but couldn't serve the notice as he's not present in Mumbai right now.
(File pic) pic.twitter.com/sqcXwJhAw3
काय आहे प्रकरण?
अभिनेता रणवीर सिंह याvs पेपर या मॅगझीनसाठी न्यूड फोटो शुट केलं होतं. मात्र त्याला हे फोटोशुट चांगलंच महागात पडणार असल्याचं चित्र आहे. रणवीर सिंह विरोधात न्यूड फोटोशूटप्रकरणी चेंबूर पोलिस ठाण्यात गुन्हा दाखल झाला आहे. न्यूड फोटोसेशन करणारा अभिनेता रणवीर सिंह विरोधात मुंबईतल्या चेंबूर पोलीस ठाण्यात गुन्हा दाखल करण्यात आला आहे. आयपीसी कलम 292, 293, 509 आणि इन्फोर्मेशन टेक्नोलॉजी कायद्याच्या कलम 67 अ अंतर्गत हा गुन्हा दाखल करण्यात आला आहे. रणवीरच्या न्यूड फोटोसेशनविरोधात एका सामाजिक कार्यकर्त्यानं तक्रार दाखल केल्यानंतर हा गुन्हा दाखल करण्यात आला आहे.
हेही वाचा:
महत्त्वाच्या बातम्या
ट्रेंडिंग न्यूज
