प्रतीक्षा संपली! ‘या’ दिवशी रणबीर कपूरचा ‘राम अवतार’ होणार रिव्हील, ग्रँड इव्हेंट ठरणार ऐतिहासिक
दरम्यान , जेव्हा चित्रपटाचा टीझर प्रदर्शित झाला आणि रणबीर कपूरची एक छोटीशी झलक दाखवण्यात आली होती, तेव्हा अनेकांनी त्याच्यावर विश्वास व्यक्त केला.
Ramayan Grand Event: रणबीर कपूरची रामायण ही 2026 मधील सर्वाधिक चर्चेत असलेल्या चित्रपटांपैकी एक आहे. आतापर्यंत चित्रपटातील कोणत्याही पात्राचा लूक समोर आलेला नव्हता. मात्र आता निर्माते प्रेक्षकांची प्रतीक्षा संपवणार असल्याचं दिसत आहे.मिळालेल्या माहितीनुसार, रामायणच्या टीमकडून मार्च महिन्यात एक भव्य इव्हेंट आयोजित करण्यात येणार आहे. हा चित्रपटाचा पहिला अधिकृत इव्हेंट असेल, ज्यामध्ये प्रमुख पात्रांचे फर्स्ट लूक रिव्हील केले जाणार आहेत. या चित्रपटात रणबीर कपूर (Ranbir Kapoor) रामाची भूमिका साकारताना दिसणार आहे. सुरुवातीला रणबीर कपूरने साकारलेल्या रामाच्या भूमिकेवरून बराच वाद झाला होता. रणबीर कपूरने रामाची भूमिका करावी की नाही याबद्दल सोशल मीडियावर वाद सुरू झाला. दरम्यान , जेव्हा चित्रपटाचा टीझर प्रदर्शित झाला आणि रणबीर कपूरची एक छोटीशी झलक दाखवण्यात आली होती, तेव्हा अनेकांनी त्याच्यावर विश्वास व्यक्त केला.
कुठे होणार हा ग्रँड इव्हेंट?
मीडिया रिपोर्टनुसार, हा इव्हेंट गेटवे ऑफ इंडिया येथे आयोजित केला जाणार आहे. दिग्दर्शक नितेश तिवारी आणि निर्माता नमित मल्होत्रा यांनी यासाठी इनव्हिटेशन्स पाठवायला सुरुवात केल्याचंही सांगितलं जात आहे.स्टारकास्टपैकी नेमके कोण उपस्थित राहणार हे अद्याप निश्चित नसले तरी, रणबीर कपूर, साई पल्लवी, रवि दुबे आणि यश हे प्रमुख कलाकार असल्यामुळे त्यांच्या उपस्थितीची शक्यता वर्तवली जात आहे.
या खास दिवशी होणार रामायणचा इव्हेंट
‘मिड-डे’च्या रिपोर्टनुसार, रामायणचा हा इव्हेंट राम नवमीच्या दिवशी, 27 मार्च रोजी गेटवे ऑफ इंडिया येथे आयोजित केला जाणार आहे. प्रोडक्शनशी संबंधित सूत्रांच्या हवाल्याने असंही सांगण्यात आलं आहे की, या इव्हेंटसाठी राज्य आणि केंद्र सरकारमधील अनेक वरिष्ठ नेत्यांना आमंत्रण देण्यात आलं आहे.
कधी रिलीज होणार चित्रपट?
रामायण पार्ट 1 हा चित्रपट यंदा दिवाळीला मोठ्या रिलीज म्हणून चित्रपटगृहांत प्रदर्शित होणार आहे. हा चित्रपट वाल्मीकींच्या रामायणावर आधारित असून, प्रसिद्ध हिंदू महाकाव्याची कथा मोठ्या पडद्यावर मांडणार आहे.चित्रपटात यश रावणाची भूमिका साकारत आहेत, साई पल्लवी सीतेच्या भूमिकेत दिसणार आहे. सनी देओल भगवान हनुमानाची भूमिका साकारणार असून, रवि दुबे लक्ष्मणाच्या भूमिकेत झळकणार आहेत.
महत्त्वाच्या बातम्या
