Pushpa 2: तुरुंगातून पुष्पा झालाय फरार; पुष्पा-2 ची घोषणा करत निर्मात्यांनी शेअर केला थरारक व्हिडीओ
नुकताच पुष्पा चित्रपटाच्या टीमनं एक व्हिडीओ शेअर करुन पुष्पा-2 (Pushpa 2) ची घोषणा केली आहे. या व्हिडीओनं नेटकऱ्यांचे लक्ष वेधले आहे.
Pushpa 2: दाक्षिणात्य चित्रपटसृष्टीतील सुपरस्टार अल्लू अर्जुनच्या (Allu Arjun) पुष्पा (Pushpa: The Rise - Part 1) चित्रपटानं केवळ भारतातीलच नाही तर जगभरातील प्रेक्षकांचं मनोरंजन केलं. 'मैं झुकेगा नहीं साला', 'फ्लावर नहीं फायर है' या पुष्पा चित्रपटामधील डायलॉग्सनं तर प्रेक्षकांना वेड लावलं. पुष्पा चित्रपटातील श्रीवल्ली आणि पुष्पाची केमिस्ट्री, या चित्रपटामधील गाणी, अॅक्शन सिन्स या सर्वांनीच प्रेक्षकांची मनं जिंकली. आता पुष्पाः2 (Pushpa 2) ची प्रेक्षक उत्सुकतेने वाट आहेत. नुकताच पुष्पा चित्रपटाच्या टीमनं एक व्हिडीओ शेअर करुन पुष्पा-2 ची घोषणा केली आहे. या व्हिडीओनं नेटकऱ्यांचे लक्ष वेधले आहे.
पुष्पा चित्रपटाच्या निर्मात्यांनी ट्विटरवर 'पुष्पा 2' चित्रपटाचा एक व्हिडिओ शेअर केला आहे. या व्हिडिओमध्ये अल्लू अर्जुनची (Allu Arjun) झलक पाहायला मिळत आहे. या 20 सेकंदाच्या व्हिडिओमध्ये 'पुष्पा' तिरुपती तुरुंगातून फरार झाल्याचे दिसत आहे. या व्हिडीओला देण्यात आलेल्या कॅप्शनमध्ये लिहिलं आहे, पुष्पा कुठे आहे? त्याचा शोध लवकरच संपेल. 7 एप्रिलला 4.05 वाजता तुम्हाला त्याच्याबद्दल कळेल.' हा व्हिडीओ सोशल मीडियावर व्हायरल झाल्यानंतर आता पुष्पा द रुल आणि अल्लू अर्जुन हे सोशल मीडियावर ट्रेंड होत आहेत.
पाहा व्हिडीओ:
#WhereIsPushpa ?
— Pushpa (@PushpaMovie) April 5, 2023
The search ends soon!
- https://t.co/clOLWfGV6L
The HUNT before the RULE 🪓
Reveal on April 7th at 4.05 PM 🔥#PushpaTheRule ❤️🔥
Icon Star @alluarjun @iamRashmika #FahadhFaasil @aryasukku @ThisIsDSP @SukumarWritings @MythriOfficial pic.twitter.com/ayodpfY45a
पुष्पा-2 मध्ये काही बॉलिवूडमधील कलाकार देखील काम करणार आहेत, असं म्हटलं जात आहे. या चित्रपटात सलमान खान आणि अजय देवगण हे महत्वाची भूमिका साकारतील, असंही म्हटलं जात आहे.
पुष्पा द राइज मिळाली प्रेक्षकांची पसंती
पुष्पा द राइज (Pushpa: The Rise - Part 1) हा चित्रपट 2021 मध्ये जगभरात रिलीज झाला होता. या चित्रपटानं बॉक्स ऑफिसवर धुमाकूळ घातला. आता अल्लू अर्जुनचे चाहते पुष्पाः2 म्हणजेच पुष्पा द रुल (Pushpa: The Rule) या चित्रपटाची उत्सुकतेने वाट बघत आहेत. पुष्पा चित्रपटाच्या पहिल्या भागामध्ये अल्लु अर्जुन, रश्मिका मंदाना, फहाद फासिल, जगदीश, अजय घोष, सुनील आणि अनसूया या कलाकारांनी प्रमुख भूमिका साकारली. या चित्रपटातील श्रीवल्ली,सामी सामी,ओ अंटवा या गाण्यांना प्रेक्षकांची पसंती मिळाली.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
