Pulkit Samrat And Kriti Kharbanda : सलमानच्या बहिणीला घटस्फोट दिला, आता 15 मार्च रोजी पुन्हा विवाहबद्ध होणार अभिनेता
Pulkit Samrat And Kriti Kharbanda : काही महिन्यांनंतर लव्हबर्ड्सने त्यांचे प्रेमसंबंध जाहीर केले. जवळपास आता चार वर्षानंतर हे दोघेही विवाहबद्ध होत आहेत.
Pulkit Samrat And Kriti Kharbanda : मागील काही वर्षांपासून चर्चेत असणारे बॉलिवूडमधील लव्ह बर्ड्स पुलकित सम्राट (Pulkit Samrat) आणि कृती खरबंदा (Kriti Kharbanda) आता लवकरच विवाहबद्ध होणार आहेत. या दोघांच्या विवाहसोहळ्याबाबतची अपडेट समोर आली आहे. पुलकित-कृती हे दोघेही 15 मार्च रोजी दिल्लीत विवाहबद्ध होणार असल्याची चर्चा आहे. त्यांच्या विवाहनिमित्तच्या विधी-सोहळा हा चार दिवस चालणार आहे.
कृती आणि पुलकित हे 2019 मध्ये 'पागलपंती' चित्रपटाच्या सेटवर पहिल्यांदा भेटले होते. त्याच दरम्यान त्यांच्यात प्रेम फुललं. काही महिन्यांनंतर लव्हबर्ड्सने त्यांचे प्रेमसंबंध जाहीर केले. जवळपास आता चार वर्षानंतर हे दोघेही विवाहबद्ध होत आहेत. जानेवारीत त्यांचा रोका विधी पार पडला आणि आता लग्नसोहळ्याची तयारी सुरू आहे.
एका वृत्तानुसार, प्री-वेडिंग फंक्शन्स बुधवारपासून (13 मार्च) सुरू होणार आहेत. लग्न सोहळ्याचे हे कार्यक्रम 16 मार्चपर्यंत चालणार आहेत. 15 मार्च रोजी दोघेही सप्तपदी घेणार आहेत. हा विवाहसोहळा आणि त्यानिमित्ताचे कार्यक्रम दिल्लीतच होणार आहेत.
View this post on Instagram
ग्रँड वेडिंगला नकार
पुलकित आणि कृती दोघांनाही ग्रँड वेडिंग करायचे नाही. केवळ कुटुंबातील सदस्य आणि जवळच्या मित्रांच्या उपस्थितीत तो साधेपणाने विवाहबद्ध होणार आहेत. अनेक सेलिब्रेटी या विवाह सोहळ्यास उपस्थित राहणार नाहीत. मात्र, या दोघांचे काही बॉलिवूडमधील मित्र विवाह सोहळ्याला उपस्थित राहणार आहेत.वरुण शर्मा आणि 'फुक्रे'चे इतर कलाकार पुढील आठवड्यात दिल्लीत दाखल होणार आहेत.
View this post on Instagram
पुलकितचा झालाय घटस्फोट
पुलकितने 3 नोव्हेंबर 2014 रोजी प्रेयसी श्वेता रोहिरासोबत लग्न केला होता. रोहिरा ही सलमान खानची मानलेली आहे. पुलकित आणि रोहिराचे नाते वर्षभरही टिकू शकले नाही आणि 2015 मध्ये ते वेगळे झाले. यानंतर पुलकितने यामी गौतमला डेट केले. या दोघांनी 'सनम रे' चित्रपटात एकत्र काम केले होते. 2018 मध्ये हे नातेही संपुष्टात आले.
महत्त्वाच्या बातम्या
