Prasad Oak: प्रसाद ओकचा 'जिलबी' चित्रपट येणार प्रेक्षकांच्या भेटीस; हे कलाकार साकारणार प्रमुख भूमिका
प्रसादचा जिलबी (Jilbi) हा चित्रपट लवकरच प्रेक्षकांच्य भेटीस येणार आहे.
Prasad Oak: अभिनेता प्रसाद ओक (Prasad Oak) हा त्याच्या अभिनयानं नेहमीच प्रेक्षकांची मनं जिंकत असतो. प्रसादच्या आगामी चित्रपटांची प्रेक्षक उत्सुकतेने वाट बघत आहेत. लवकरच प्रसादचा जिलबी (Jilbi) हा चित्रपट प्रेक्षकांच्य भेटीस येणार आहे. त्याच्या या चित्रपटामध्ये काही प्रसिद्ध कलाकार महत्वाची भूमिका साकारणार आहेत.
'जिलबी’ चित्रपटाची स्टार कास्ट
स्वप्नील आणि प्रसाद हे दोघंही ‘जिलबी’ चित्रपटाच्यानिमित्ताने पहिल्यांदाच एकत्र काम करताना दिसणार आहेत. दोन गोड माणसं एकत्र आल्यावर चित्रपटाचा ‘गोडवा’ नक्कीच वाढणार असं दिग्दर्शक नितीन कांबळे सांगतात. रसिक प्रेक्षकांचा आनंद द्विगुणीत करायला चांगला विषय प्रेक्षकांसाठी घेऊन येत असल्याचे निर्माते आनंद पंडित यांनी सांगितले.
स्वप्नील आणि प्रसाद या दोघांसोबत ‘जिलबी’ चित्रपटात शिवानी सुर्वे, पर्ण पेठे, गणेश यादव, प्रणव रावराणे,अश्विनी चावरे, प्रियांका भट्टाचार्य या कलाकारांच्या भूमिका आहेत.
View this post on Instagram
‘जिलबी’ या चित्रपटाचे जोरदार चित्रीकरण सुरु आहे. या चित्रीकरणाच्या वेळी जिलबीचा आस्वाद घेण्याचा मस्त बेत स्वप्नील आणि प्रसाद या दोघांनी नुकताच केला. केवळ प्लॅन करून हे दोघे थांबले नाहीत तर एक मजेशीर व्हिडिओ ही या दोघांनी बनवला. या व्हिडिओमध्ये चित्रपटाचे दिग्दर्शक नितीन कांबळे ही या दोघांची फिरकी घेताना दिसत आहेत.
View this post on Instagram
कथा-पटकथा-संवाद मच्छिंद्र बुगडे यांचे आहेत. छायांकन गणेश उतेकर यांचे आहे. कलादिग्दर्शन कौशलसिंग यांचे असून क्रिएटिव्ह दिग्दर्शन राहुल व्ही.दुबे यांचे आहे. रूपा पंडित आणि राहुल व्ही.दुबे सहनिर्माते असून कार्यकारी निर्माते महेश चाबुकस्वार आहेत.
जिलबी या चित्रपटाबरोबरच प्रसाद ओकचा परिनिर्वाण चित्रपट देखील रिलीज होणार आहे. फर्जंद, धर्मवीर,स्माईल प्लीज या चित्रपटांमध्ये देखील प्रसाद ओकनं काम केलं आहे. आता त्याच्या जिलबी या चित्रपटाची प्रेक्षक उत्सुकतेने वाट बघत आहेत.
इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
