Prabhas Facebook Page Hacked: प्रभासचं फेसबुक अकाऊंट झालं हॅक; अभिनेत्याच्या अकाऊंटवरुन हॅकरनं शेअर केले 'हे' दोन व्हिडीओ

Prabhas Facebook Page Hacked: प्रभासचे फेसबुक पेज हॅक झाले आहे. याबाबत प्रभासनं ट्विटरवर माहिती दिली आहे.

Prabhas

Prabhas Facebook Page Hacked: अभिनेता प्रभास (Prabhas) हा साऊथ चित्रपटसृष्टीतील सुपरस्टार आहे. प्रभासनं साऊथ चित्रपटसृष्टीबरोबरच बॉलिवूडमध्ये देखील विशेष ओळख निर्माण केली आहे. प्रभासचे देशातच नाही तर परदेशात देखील बरेच चाहते आहेत. प्रभास हा सोशल मीडिय फारसा सक्रिय नसतो. तो फक्त त्याच्या आगामी प्रोजेक्ट्सची माहिती सोशल मीडियावर शेअर करतो. प्रभासचे फेसबुक पेज हॅक झाले आहे. याबाबत प्रभासनं ट्विटरवर माहिती दिली आहे.

गुरुवारी (27 जुलै) रात्री प्रभासचे फेसबुक पेज हॅक करण्यात आले. हॅकरनं प्रभासच्या फेसबुकवरून ‘अनलकी ह्युमन’ आणि ‘बॉल फेल्स अराउंड द वर्ल्ड’ असे दोन व्हायरल व्हिडिओ शेअर केले.नंतर प्रभासने इंस्टाग्रामवर  फेसबुक अकाऊंट हॅक झाल्याची माहिती दिली. त्याने इंस्टाग्राम स्टोरीमध्ये लिहिले, "सर्वांना नमस्कार, माझ्या फेसबुक पेज हॅक झाले. माझी टीम ही समस्या सोडवत आहे." प्रभासच्या फेसबुक पेजवर 24 मिलियनपेक्षा अधिक फॉलोअर्स आहेत. तर प्रभास फेबुकवर फक्त  एसएस राजामौली यांनाच फॉलो करतो.

Hello Everyone,

My Facebook Page Has Been Hacked. The Team is Sorting this Out.

~ #Prabhas Via Instagram pic.twitter.com/8n1yeABIDT

— Hail Prabhas (@HailPrabhas007) July 27, 2023

प्रभासचे आगामी चित्रपट

‘साहो’, ‘राधे श्याम’ आणि ‘आदिपुरुष’ हे प्रभासचे चित्रपट बॅक टू बॅक फ्लॉप ठरले. आता प्रभासचा सालार पार्ट 1: सीजफायर हा चित्रपट लवकरच रिलीज होणार आहे. या चित्रपटाचे दिग्दर्शन प्रशांत नील यांनी केले आहे. प्रशांत नीलने यापूर्वी यश स्टारर ब्लॉकबस्टर 'केजीएफ सीरिज' दिग्दर्शित केले आहे. 'सालार' हा देखील 'केजीएफ युनिव्हर्स'चा एक भाग असल्याचा अंदाज चाहते लावत आहेत. श्रुती हासन आणि पृथ्वीराज सुकुमारन यांच्या प्रमुख भूमिका असलेला हा अॅक्शनपट 28 सप्टेंबर रोजी चित्रपटगृहांमध्ये प्रदर्शित होणार आहे. 

तसेच प्रभासचा 'प्रोजेक्ट के' हा चित्रपट देखील प्रेक्षकांच्या भेटीस येणार आहे. या चित्रपटात प्रभाससोबतच दीपिका पादुकोणसह (Deepika Padukone) अमिताभ बच्चन (Amitabh Bachchan), कमल हासन (Kamal Haasan) आणि दिशा पटानी (Disha Patani) हे कलाकार देखील प्रमुख भूमिका साकारणार आहेत. प्रभासच्या आगामी चित्रपटांची चाहते उत्सुकतेने वाट बघत आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Prabhas (@actorprabhas)

संबंधित बातम्या