(Source: ECI/ABP News/ABP Majha)
Aaditya Thackeray: आदित्य ठाकरेंनी शेअर केले परिणीती आणि राघव यांच्या लग्न सोहळ्यातील खास फोटो; म्हणाले...
Parineeti Chopra Raghav Chadha Wedding: आदित्य ठाकरे (Aditya Thackeray) यांनी परिणीती आणि राघव यांच्या लग्नसोहळ्यातील काही फोटो सोशल मीडियावर शेअर केले आहेत. या फोटोला त्यांनी खास कॅप्शन देखील दिलं आहे.
Parineeti Chopra Raghav Chadha Wedding: बॉलिवूड अभिनेत्री परिणीती चोप्रा (Parineeti Chopra) आणि राघव चड्ढा (Raghav Chadha) यांचा विवाह सोहळा काही दिवसांपूर्वी पार पडला. परिणीती आणि राघव यांच्या लग्नसोहळ्याला अनेक कलाकारांनी हजेरी लावली होती. त्यांच्या शाही विवाह सोहळ्याचे फोटो आणि व्हिडीओ सोशल मीडियावर व्हायरल झाले होते. आता नुकतेच शिवसेना उद्धव ठाकरे गटाचे नेते आदित्य ठाकरे (Aditya Thackeray) यांनी परिणीती आणि राघव यांच्या लग्नसोहळ्यातील काही फोटो सोशल मीडियावर शेअर केले आहेत. या फोटोला त्यांनी खास कॅप्शन देखील दिलं आहे.
आदित्य ठाकरे यांनी राघव आणि परिणीती यांच्या लग्नसोहळ्यातील फोटो शेअर करुन कॅप्शनमध्ये लिहिलं, "तुम्हा दोघांचे हार्दिक अभिनंदन. तुम्हाला आयुष्यभर आनंद, उत्तम आरोग्य आणि प्रेम मिळो ही सदिच्छा!"
आदित्य ठाकरे यांनी दोन फोटो सोशल मीडियावर शेअर केले आहेत. ज्यामधील एका फोटोमध्ये ते राघव आणि परिणीती यांच्यासोबत दिसत आहेत. तर दुसऱ्या फोटोमध्ये आदित्य, अरविंद केजरीवाल, डेरेक ओब्रायन आणि संजय सिंह हे दिसत आहेत. आदित्य ठाकरे यांनी शेअर केलेल्या या फोटोंवर नेटकऱ्यांनी लाइक्स आणि कमेंट्सचा वर्षाव केला आहे.
View this post on Instagram
उदयपूरमधील 'द लीला पॅलेस' येथे परिणीती आणि राघव यांचा शाही विवाहसोहळा पार पडला आहे. पंजाबचे मुख्यमंत्री भगवंत मान, लोकप्रिय फॅशन डिझायनर मनीष मल्होत्रा आणि दिल्लीचे मुख्यमंत्री अरविंद केजरीवाल यांनी परिणीती आणि राघव यांच्या विवाह सोहळ्याला हजेरी लावली होती. अनेक दिग्गज मंडळींनी परिणीती आणि राघव यांच्या लग्नसोहळ्याला हजेरी लावली होती.
View this post on Instagram
परिणीती आणि राघव यांनी त्यांच्या विवाह सोहळ्याचे फोटो सोशल मीडियावर शेअर करुन कॅप्शनमध्ये लिहिलं,"नाश्त्याच्या टेबलावर आमची पहिली भेट झाली. पहिल्या भेटीतच चांगली मैत्री झाली. मैत्रीचं रुपांतर पुढे प्रेमात झालं. त्यानंतर गेल्या काही दिवसांपासून आम्ही या दिवसाची आतुरतेने वाट पाहत होतो. अखेर आता आम्ही मिस्टर आणि मिसेस झालो आहोत. आम्ही एकमेकांशिवाय आयुष्य जगू शकत नव्हतो. आता नव्या प्रवासाला आम्ही सुरुवात केली आहे".
संबंधित बातम्या:
महत्त्वाच्या बातम्या
ट्रेंडिंग न्यूज
