OTT Release This Week : वीकेंडला ओटीटीवर काय पाहायचं विचार करताय? वाचा 'या' आठवड्यात प्रदर्शित होणाऱ्या वेब सीरिज व सिनेमांची यादी

OTT Release This Week : ओटीटी प्लॅटफॉर्मवर या आठवड्यात प्रेक्षकांना मनोरंजनाची मेजवानी मिळणार आहे. अनेक चांगले चित्रपट आणि वेबसीरिज रिलीज होत आहेत.

OTT Release This Week

OTT Release This Week : ओटीटी (OTT) प्लॅटफॉर्मवर तेच-तेच चित्रपट (Movies) आणि वेबसीरिज (Web Series) पाहायचा कंटाळा आलाय. काहीतरी वेगळं, धमाकेदार पाहण्याची इच्छा असेल तर ओटीटी प्लॅटफॉर्मवर अनेक चांगले चित्रपट आणि वेबसीरिज उपलब्ध आहेत. प्रत्येक आठवड्यात अनेक जबरदस्त चित्रपट आणि वेबसीरिज प्रदर्शित होत असतात. हे चित्रपट आणि वेबसीरिज प्रेक्षकांना वीकेंडला आपल्या मित्रांसोबत आणि कुटुंबियांसमवेत पाहता येतील. जाणून घ्या या आठवड्यात रिलीज होणाऱ्या चित्रपट आणि वेबसीरिजबद्दल...

गांठ चॅप्टर 1 (Gaanth Chapter 1) : 'गांठ चॅप्टर 1' या सीरिजचं दिग्दर्शन कनिष्क वर्माने केलं आहे.   ही आगामी सीरिज 11 जून 2024 रोजी प्रदर्शित होणार आहे. या क्राइम-थ्रिलर वेबसीरिजमध्ये मानव विज आणि मोनिका पवार मुख्य भूमिकेत आहेत. तसेच सलोनी बत्रा, गोपाल दत्त, राजेश तैलंग, नावेद असलम, श्रावण बोरन्ना, सिद्धार्थ भारद्वाज, नेहा अय्यर हे कलाकारही या सीरिजमध्ये महत्त्वाच्या भूमिकेत झळकणार आहेत. एका शॉर्ट टेम्पर्ड पोलीस अधिकाऱ्याभोवती या सीरिजचं कथानक फिरतं. 'गांठ चॅप्टर 1' ही सीरिज 11 जून 2024 रोजी जिओ सिनेमावर रिलीज होणार आहे. 

द बॉयज सीझन 4 (The Boys-Season 4) : 'द बॉयज सीझन 4' ही सीरिज 13 जून 2024 रोजी प्राईम व्हिडीओ या ओटीटी प्लॅटफॉर्मवर प्रसारित झाली आहे. चौथ्या सीझनमध्ये कार्ल अर्बन, जॅक क्वैड, एंटनी स्टार, एरिन मोरियार्टी, जेसी टी.अशर, लाज अलोंसो, चेक क्रॉफर्ड, टोमर कॅपोन, करेन फुफुहारासह अनेक कलाकार महत्त्वाच्या भूमिकेत आहेत.

महाराज (Maharaj) : 'महाराज'चं दिग्दर्शन मल्होत्रा पी. सिद्धार्थने केलं आहे. 14 जून 2024 रोजी ही सीरिज नेटफ्लिक्स या ओटीटी प्लॅटफॉर्मवर रिलीज होणार आहे. महाराजच्या माध्यमातून आमिर खानचा मुलगा जुनैद खान अभिनयक्षेत्रात पदार्पण करणार आहे.

लव्ह की अरेंज मॅरेज (Luv Ki Arrange Marriage) : 'लव्ह की अरेंज मॅरेज'चं दिग्दर्शन इशरत आर खानने केलं आहे. 14 जून 2024 रोजी झी 5 या ओटीटी प्लॅटफॉर्मवर हा चित्रपट रिलीज होणार आहे. अवनीत कौर आणि सनी सिंह या चित्रपटात मुख्य भूमिकेत आहेत. लव आणि इशिकाची गोष्ट या चित्रपटात दाखवण्यात आली आहे. लव इशिकाच्या प्रेमात पडतो. तिच्यासोबत लग्न करण्याची त्याची इच्छा असते. पण अचानक एक ट्विस्ट येतो. लवचे वडील इशिकाच्या आईच्या प्रेमात पडतात. त्यामुळे या चित्रपटात प्रेक्षकांना विनोदासह नाट्य पाहायला मिळणार आहे.

प्रोजेक्टिंग पॅराडाइज द स्टोरी ऑफ नीयू (Protecting Paradise : The Story of Niue) : प्रोजेक्टिंग पॅराडाइज द स्टोरी ऑफ नीयू ही सीरिज 10 जून 2024 रोजी डिज्नी प्लस हॉटस्टार या प्लॅटफॉर्मवर रिलीज होणार आहे. समुद्रजीवनावर आधारित ही सीरिज आहे.

संबंधित बातम्या