एक्स्प्लोर

Om Raut On National Award : 'तान्हाजी' यशस्वी होण्यात अजय देवगणचा महत्त्वाचा वाटा : ओम राऊत

National Film Awards 2022 : ओम राऊतचा 'तान्हाजी' सिनेमा सर्वोत्कृष्ट लोकप्रिय सिनेमा ठरला आहे.

By : रवी जैन | Edited By: मंजिरी पोखरकर | Updated at : 22 Jul 2022 11:03 PM (IST)

Om Raut On National Award

Om Raut On National Award : 68 व्या राष्ट्रीय चित्रपट पुरस्काराची (National Film Awards 2022) घोषणा झाली आहे. या पुरस्कार सोहळ्यात अजय देवगणच्या (Ajay Devgn) 'तान्हाजी' (Tanhaji) या सिनेमाने बाजी मारली आहे. या सिनेमाला लोकप्रिय हिंदी सिनेमाचा पुरस्कार जाहीर झाला आहे. या सिनेमाच्या दिग्दर्शनाची धुरा मराठमोळ्या ओम राऊतने सांभाळली आहे.

सिनेमाला लोकप्रिय हिंदी सिनेमाचा पुरस्कार जाहीर झाल्यानंतर ओम राऊत म्हणाला, 'तान्हाजी' हा सिनेमा यशस्वी होण्यात अजय देवगणचा महत्त्वाचा वाटा आहे. अशातच आता या सिनेमाला लोकप्रिय हिंदी सिनेमाचा पुरस्कार जाहीर झाल्याने मला खूप आनंद होत आहे".

ओम पुढे म्हणाला, अजयने तान्हाजी हे पात्र साकारलेच नाही. तर तो ते पात्र जगला आहे. त्यामुळेच त्याला 'सर्वोत्कृष्ट अभिनेत्याचा पुरस्कार' जाहीर झाला आहे. तसेच कॉस्च्युम डिझायनर ठरलेल्या नचिकेत बर्वे आणि महेश शेर्ला यांच्यासह सिनेमाचा भाग असलेल्या प्रत्येकाचे अभिनंदन. हा सिनेमा बॉक्स ऑफिसवरदेखील प्रेक्षकांच्या पसंतीस उतरला होता".

100 कोटींच्या क्लबमध्ये स्थान मिळवणारा 'तान्हाजी'

बॉलिवूड अभिनेता अजय देवगनच्या 'तान्हाजी : द अनसंग वॉरियर' या सिनेमाने बॉक्स ऑफिसवर चांगलाच धुमाकूळ घातला. हा सिनेमा देशभरातील सिनेरसिकांच्या पसंतीस उतरला होता. बॉक्स ऑफिसवर या सिनेमाने चांगलाच गल्ला जमवला. हा सिनेमा 100 कोटींच्या क्लबमध्ये सामिल झाला होता.

'तान्हाजी' सिनेमाने राष्ट्रीय चित्रपट पुरस्कार सोहळ्यात दोन पुरस्कार पटकावले आहेत. या सिनेमाच्या दिग्दर्शनाची धुरा मराठमोळ्या ओम राऊतने सांभाळली होती. पुरस्कार जाहीर झाल्यानंतर ओम राऊत आनंद व्यक्त करत म्हणाला,'तान्हाजी' या सिनेमाला दोन पुरस्कार जाहीर झाल्याचा खूप आनंद होत आहे. आपल्या सिनेमाला पुरस्कार मिळणं हे खूप अभिमानास्पद आहे. शिवरांच्या मावळ्याची गाथा रुपेरी पडद्यावर मांडण्याचा आम्ही प्रयत्न केला. बॉक्स ऑफिसवरदेखील या सिनेमाला प्रेक्षकांचा चांगला प्रतिसाद मिळाला होता".