Dharmaveer : ‘धर्मवीर मुक्काम पोस्ट ठाणे’ सिनेमाने रचला नवा विक्रम; आशियातील सर्वात मोठ्या होर्डिंगवर झळकले सिनेमाचे भव्य दिव्य पोस्टर

Dharmaveer : ‘धर्मवीर मुक्काम पोस्ट ठाणे’ हा सिनेमा 13 मे 2022 रोजी संपूर्ण महाराष्ट्रात प्रदर्शित होणार आहे.

By : एबीपी माझा वेब टीम | Edited By: मंजिरी पोखरकर | Updated at : 08 May 2022 11:37 PM (IST)

Dharmaveer

Dharmaveer : 'धर्मवीर मुक्काम पोस्ट ठाणे' (Dharmaveer mukkam post thane) हा सिनेमा सध्या चर्चेत आहे. 13 मे 2022 रोजी संपूर्ण महाराष्ट्रात हा सिनेमा प्रदर्शित होणार आहे. सध्या या सिनेमाचे जोरदार प्रमोशन सुरू झाले आहे. आता आशियातील सर्वात मोठ्या होर्डिंगवर ‘धर्मवीर मुक्काम पोस्ट ठाणे’ सिनेमाचे भव्य दिव्य पोस्टर झळकले आहे.

‘धर्मवीर मुक्काम पोस्ट ठाणे’ हा सिनेमा प्रदर्शनापूर्वीच नव नवे विक्रम करत आहे. महाराष्ट्रातील विविध ठिकाणी लागलेले सिनेमाचे 30 फुटी कट आऊट्स सर्वांचे लक्ष तर वेधून घेत आहेत. सिनेमाच्या प्रसिद्धीच्या या तंत्रात आता भर पडली आहे एका लक्षवेधी अशा विक्रमाची. मुंबईतील वांद्रे येथे पश्चिम द्रुतगती मार्गावर आशियातील सर्वात मोठ्या आकाराचे 16800 स्क्वेअर फुटाचे भव्य असे होर्डिंग आहे. या होर्डिंगवर आजवर एकाही मराठी चित्रपटाचे पोस्टर झळकले नव्हते. परंतू आता 'धर्मवीर मुक्काम पोस्ट ठाणे' या सिनेमाचं भव्य दिव्य पोस्टर झळकलं आहे.

View this post on Instagram

A post shared by Dharmaveer (@dharmaveerofficial)

धर्मवीर आनंद दिघे यांच्या भूमिकेत असलेल्या प्रसाद ओक यांचा हा तेजस्वी आणि करारी बाण्याचा लूक मोठ्या दिमाखात या होर्डिंगवर बघायला मिळत असून या भागातून जाणा-या लाखो वाहनधारकांचे तथा परिसरातील रहिवाश्यांचे लक्ष वेधून घेत आहे. आभाळाएवढं व्यक्तिमत्व अशी ओळख असलेल्या लोककारणी आनंद दिघे यांचा चरित्रपट असलेल्या या चित्रपटाचे हे होर्डिंग बघताना आभाळासम भासे धर्मवीर हा असाच भाव सर्वांच्या मनात उमटत आहे. प्रविण तरडे यांनी या सिनेमाच्या लेखन आणि दिग्दर्शनाची धुरा सांभाळली आहे.

संबंधित बातम्या