Munjya Box Office Collection Day 10 : 'मुंज्या'ने बॉक्स ऑफिसला याड लावलं, 10 दिवसांत किती केली कमाई?
Munjya Box Office Collection Day 10 : 'मुंज्या'ने रिलीजच्या एका आठवड्यातच आपल्या बजेट इतकी कमाई केली. रिलीजच्या 10 व्या दिवशीदेखील चित्रपटाने चांगली कमाई केली आहे.
Munjya Box Office Collection Day 10 : रिलीजच्या दुसऱ्या वीकेंडलाही बॉक्स ऑफिसवर 'मुंज्या'ची (Munjya Movie) क्रेझ दिसली. शुक्रवारी रिलीज झालेल्या कार्तिक आर्यनच्या 'चंदू चॅम्पियन' या चित्रपटाला 'मुंज्या'ने टक्कर दिली आहे. 'मुंज्या'ने रिलीजच्या एका आठवड्यातच आपल्या बजेट इतकी कमाई केली. रिलीजच्या 10 व्या दिवशी चित्रपटाने चांगली कमाई केली आहे.
'मुंज्या'ने रिलीजच्या 10 व्या दिवशी किती केली कमाई?
'मुंज्या'ची सध्या जोरदार चर्चा सुरू आहे. चित्रपटाचे कथानक, कलाकारांचा अभिनय, व्हीएफएक्स यामुळे चित्रपटाला प्रेक्षकांची पसंती मिळत आहे. कोणत्या मोठ्या स्टारकास्टशिवाय मुंज्याने प्रेक्षकांना थिएटरपर्यंत खेचण्यास यश मिळवले आहे.
'मुंज्या' आता रिलीजच्या दुसऱ्या आठवड्यात पोहचला आहे. दुसऱ्या आठवड्यातही प्रेक्षकांचा चांगला प्रतिसाद मिळेल अशी चिन्हे आहेत.
'मुंज्या'ने रिलीजच्या पहिल्या दिवशी 4 कोटी रुपये, दुसऱ्या दिवशी 7.25 कोटी रुपये, तिसऱ्या दिवशी 8 कोटी रुपये, चौथ्या दिवशी 4 कोटी रुपये, 4.15 कोटी रुपये कमावले आहेत. पाचव्या दिवशी, सहाव्या दिवशी 4 कोटी आणि सातव्या दिवशी 3.9 कोटींची कमाई केली. यासोबतच 'मुंज्या'ने एका आठवड्यात 35.3 कोटी रुपयांचा गल्ला जमवला. या चित्रपटाने रिलीजच्या दुसऱ्या शुक्रवारी 3.5 कोटी रुपये आणि दुसऱ्या शनिवारी 6.5 कोटी रुपयांची कमाई केली. आता या चित्रपटाच्या रिलीजच्या दुसऱ्या रविवारच्या कमाईचे सुरुवातीचे आकडे समोर आले आहेत.
सॅकनिल्कच्या प्राथमिक वृत्तानुसार, मुंज्याने रिलीजच्या दुसऱ्या रविवारी, 10 व्या दिवशी 8.50 कोटींची कमाई केली आहे. त्यामुळे आता मुंज्याची दहा दिवसातील आता कमाई ही 53.80 कोटींहून अधिक झाली आहे.
'मुंज्या'ने 'मैदान'ला मागे सोडले
एप्रिल आणि मे या दोन महिन्यात बॉक्स ऑफिसवर प्रेक्षकांनी फारशी गर्दी केली नाही. त्यामुळे अनेक मोठे चित्रपट बॉक्स ऑफिसवर फ्लॉप ठरले. जून महिन्यात रिलीज झालेल्या 'मुंज्या'ने बॉक्स ऑफिसवर धुमाकूळ घातला. या चित्रपटाने अवघ्या 10 दिवसांत 53.80 कोटी रुपयांची कमाई करून सगळ्यांच धक्का दिला आहे. यासोबतच या चित्रपटाने अजय देवगणची मुख्य भूमिका असलेल्या 'मैदान' या चित्रपटाचा 53.03 कोटी रुपयांच्या कलेक्शनचा रेकोर्ड ही मोडला आहे.
'भेडिया' युनिव्हर्सचा हिस्सा...
या चित्रपटाच्या पोस्ट क्रेडिट सीन्समध्ये वरुण धवन आणि अभिषेक बॅनर्जी दिसले आहेत. त्यामुळे या चित्रपटाची कथा आता इतर चित्रपटाच्या कथेशी कनेक्ट असू शकते. त्यामुळे आता भेडिया अथवा 'मुंज्या' चित्रपटाचा पुढे कोणता भाग आला तर तो चित्रपट समजण्यास अडचण येऊ नये यासाठी देखील अनेकजण 'मुंज्या' पाहण्यास जात आहे. ''मुंज्या'' हा 'भेडिया' युनिव्हर्सचा एक भाग असल्याच्या चर्चेचा फायदा मिळत आहे.
महत्त्वाच्या बातम्या
ट्रेंडिंग न्यूज
