बालपणी आई-वडिलांची साथ सुटली, त्यानंतर नशीबी अठराविश्व दारिद्र्य; फक्त एका निर्णयानं बनवलं राजेश खन्ना यांना बॉलिवूडचा 'पहिला सुपरस्टार'

Rajesh Khanna: बॉलिवूडचे पहिले सुपरस्टार म्हणून ओळखले जाणारे 'काका' म्हणजेच, राजेश खन्ना... यांची आज जयंती. अत्यंत खडतर परिस्थितीतून आल्यानंतर त्यांनी एकेकाळी बॉलिवूडचा ताबा घेतला होता.

Rajesh Khanna Birth Anniversary

बॉलिवूड सेलिब्रिटींच्या संघर्षाच्या अनेक कहाण्या आहेत. आज आम्ही तुम्हाला बॉलिवूडच्या पहिल्या सुपरस्टारच्या आयुष्यातील संघर्षाचे काही किस्से आणि त्यांच्या रंजक गोष्टी सांगणार आहोत, ज्या कदाचित फार कमी लोकांना माहीत असतील. एका अत्यंत खडतर परिस्थितीतून आलेल्या मुलानं पुढे येऊन बॉलिवूडमध्ये आपलं साम्राज्य उभं केलं. राजेश खन्ना यांचं बालपण गरिबीत गेलं, त्यांच्या आई-वडिलांचा आधार कसा गमावला आणि ऐन तारुण्यात फिल्म इंडस्ट्रीमध्ये प्रवेश करताच त्यांनी संपूर्ण चित्रपटसृष्टीला आपल्या तालावर नाचवलं.

राजेश खन्ना यांचं खरं नाव 'जतिन खन्ना' होतं. त्यांचं बालपण अत्यंत गरिबीत गेलं. राजेश खन्ना यांचे वडील फाळणीपूर्वी शिक्षक म्हणून काम करायचे. फाळणीनंतर त्यांचं कुटुंब अमृतसरला आलं आणि नोकरी गेल्यानं घरची आर्थिक परिस्थिती खालावली होती. घरची परिस्थिती पाहून वडिलांनी राजेश खन्ना यांची जबाबदारी मुंबईत राहणाऱ्या त्यांच्या नातेवाईकांकडे सोपवली होती.