एक्स्प्लोर

Movies releasing in March : अक्षय कुमारच्या 'बच्चन पांडे'पासून प्रभासच्या 'राधे श्याम'पर्यंत 'हे' सिनेमे मार्चमध्ये होणार प्रदर्शित

Movies : मार्चमध्ये अनेक बिग बजेट सिनेमे रिलीज होणार आहेत. 'बच्चन पांडे'पासून 'झुंड'पर्यंत अनेक सिनेमे मार्चमध्ये प्रदर्शित होणार आहेत.

By : एबीपी माझा वेब टीम | Edited By: मंजिरी पोखरकर | Updated at : 28 Feb 2022 08:27 PM (IST)

Movies_releasing_in_March

Movies releasing in March : कोरोनाचा प्रादुर्भाव कमी होत असल्याने अनेक निर्माते त्यांच्या सिनेमांच्या रिलीज डेट जाहीर करत आहेत. नुकताच आलिया भट्टचा (Alia Bhatt) 'गंगूबाई काठियावाडी' (Gangubai Kathiawadi) सिनेमा प्रेक्षकांच्या भेटीला आला आहे. मार्चमध्येदेखील अनेक बिग बजेट सिनेमे प्रदर्शित होणार आहेत. अक्षय कुमारच्या (Akshay Kumar) 'बच्चन पांडे'पासून (Bachchan Pandey) प्रभासच्या (Prabhas) 'राधे श्याम'पर्यंत (Radhe Shyam) अनेक सिनेमे मार्चमध्ये प्रदर्शित होणार आहेत.

झुंड (Jhund) : अमिताभ बच्चनचा आगामी 'झुंड' सिनेमा 4 मार्चला सिनेमागृहात प्रदर्शित होणार आहे.

तुलसीदास ज्युनियर (Toolsidas Junior) : तुलसीदास ज्युनियर सिनेमादेखील 4 मार्चला प्रेक्षकांच्या भेटीला येणार आहे. हा एक क्रिडाविषयक सिनेमा असून संजय दत्त या सिनेमात स्नूकर परीक्षकाच्या भूमिकेत दिसणार आहेत.

राधे श्याम (Radhe Shyam) : प्रभास आणि पूजा हेगडेच्या 'राधे श्याम' सिनेमाची प्रेक्षक गेले अनेक दिवस प्रतीक्षा करत आहेत. हा सिनेमा 11 मार्च रोजी प्रदर्शित होणार आहे.

द काश्मीर फाइल्स (The Kashmir Files) : मिथुन चक्रवर्ती, अनुपम खेर आणि पल्लवी जोशीचा द काश्मीर फाइल्स हा सिनेमा 11 मार्चला प्रेक्षकांच्या भेटीला येणार आहे.

बच्चन पांडे (Bachchan Pandey) : बच्चन पांडे सिनेमाचा ट्रेलर प्रदर्शित झाल्यापासून प्रेक्षक या सिनेमाची आतुरतेने वाट पाहत आहेत. हा सिनेमा 18 मार्चला प्रदर्शित होणार आहे. या सिनेमात अक्षय कुमार आणि कृती सेनन मुख्य भूमिकेत आहेत.

आरआरआर (RRR) : एसएस राजामौलींचा आरआरआर सिनेमा 25 मार्चला सिनेमागृहात प्रदर्शित होणार आहे. आलिया भट्ट आणि अजय देवगन या सिनेमात मुख्य भूमिकेत आहेत.

संबंधित बातम्या