Merry Christmas Title Song Release: "दिन बड़ा ये ख़ास है,प्यार आस-पास है" ; 'मेरी ख्रिसमस' चं टायटल ट्रॅक रिलीज
Merry Christmas Title Song Release: 'मेरी ख्रिसमस' या चित्रपटाची प्रेक्षक आतुरतेने वाट पाहत आहेत. आता 'मेरी ख्रिसमस' या चित्रपटातील एक गाणं रिलीज करण्यात आलं आहे.
Merry Christmas Title Song Release: अभिनेत्री कतरिना कैफ (Katrina Kaif) आणि दाक्षिणात्य चित्रपटसृष्टीतील प्रसिद्ध अभिनेता विजय सेतुपती (Vijay Sethupathi) यांचा 'मेरी ख्रिसमस' (Merry Christmas) हा चित्रपट लवकरच प्रेक्षकांच्या भेटीला येणार आहे. या चित्रपटात कतरिना आणि विजय सेतुपती हे पहिल्यांदाच स्क्रिन शेअर करणार आहेत. या चित्रपटाचा ट्रेलर काही दिवसांपूर्वी रिलीज करण्यात आला होता. अशातच आता या चित्रपटाची प्रेक्षक आतुरतेने वाट पाहत आहेत. आता 'मेरी ख्रिसमस' या चित्रपटातील एक गाणं रिलीज करण्यात आलं आहे.
'मेरी ख्रिसमस' चे टायटल ट्रॅक रिलीज (Merry Christmas Title Song Release)
'मेरी ख्रिसमस' या चित्रपटाचे टायटल ट्रॅक रिलीज करण्यात आलं आहे.निर्मात्यांनी कतरिना कैफ आणि विजय सेतुपती यांच्या फोटोंसह टायटल ट्रॅकची ऑडिओ क्लिप रिलीज केली आहे. विजय सेतुपतीनं या टायटल ट्रॅकचा व्हिडीओ शेअर करुन कॅप्शनमध्ये लिहिलं, " द परफेक्ट मेरी ख्रिसमस गाणे, 12 जानेवारीला चित्रपट थिएटरमध्ये रिलीज होत आहे." 'मेरी ख्रिसमस' या चित्रपटाचे टायटल ट्रॅक हे अॅश किंगने गायले आहे. याचे संगीत प्रीतमने दिले आहे.या टायटल ट्रॅकला नेटकऱ्यांची पसंती मिळाली आहे.
View this post on Instagram
'मेरी ख्रिसमस'या चित्रपटाचे दिग्दर्शन श्रीराम राघवन यांनी केले आहे.श्रीराम राघवन यांनी बदलापूर आणि अंधाधुन यांसारख्या हिट चित्रपटांचे दिग्दर्शन केलं आहे. काही दिवसांपूर्वी या चित्रपटाचा ट्रेलर रिलीज झाला. या ट्रेलरला नेकऱ्यांची पसंती मिळाली. ट्रेलरमधील कतरिना आणि विजयच्या केमिस्ट्रीनं अनेकांचे लक्ष वेधलं.
'मेरी ख्रिसमस' ची स्टार कास्ट (Merry Christmas Star Cast)
'मेरी ख्रिसमस' हा चित्रपट दोन भाषांमध्ये वेगवेगळ्या भाषांमध्ये शूट करण्यात आला आहे. या चित्रपटाच्या हिंदी व्हर्जनमध्ये संजय कपूर, विनय पाठक, प्रतिमा कन्नन आणि टिनू आनंद यांनी भूमिका साकारली आहे. तर राधिका सरथकुमार, षणमुगराजा, केविन जय बाबू आणि राजेश विल्यम्स यांनी चित्रपटाच्या तमिळ व्हर्जनमध्ये भूमिका साकारली आहे. मेरी ख्रिसमस 12 जानेवारी 2024 रोजी थिएटरमध्ये प्रदर्शित होण्यासाठी सज्ज आहे.
संबंधित बातम्या:
महत्त्वाच्या बातम्या
ट्रेंडिंग न्यूज
