एक्स्प्लोर
'आता हात जियाच्या गळ्यात', महेश भट्ट यांचा आणखी एक व्हिडिओ व्हायरल; पुन्हा ट्रोलर्सचं आक्रमण
महेश भट्ट यांचा व्हायरल होणारा व्हिडीओ अभिनेत्री जिया खानसोबतचा आहे. हा व्हिडीओ साधारण 2000 सालच्या आसपासचा असू शकेल. त्यावरून भट्ट यांच्यावर ट्रोलकऱ्यांनी पुन्हा एकदा हल्लाबोल केला आहे.
मुंबई : दिग्दर्शक-निर्माते महेश भट्ट सध्या ट्रोलर्सच्या निशाण्यावर आहेत. रिया चक्रवर्ती आणि महेश भट्ट यांच्या संबंधांवरून, त्यांच्यात होत असलेल्या संभाषणावरून ट्रोलर्सनी भट्ट यांना जेरीला आणलं आहे. महेश भट्ट आणि रियाचे फोटोही व्हायरल झाले आहेत. यात महेश भट्ट यांनी रियाच्या गळ्यात हात टाकून फोटो शेअर केल्याने या दोघांचं नातं नेमकं काय होतं याबद्दल प्रश्न विचारले जाऊ लागले होते. हे प्रकरण अद्याप शमतं न शमतं तोच महेश भट्ट यांचा आणखी एक जुना व्हिडीओ नव्याने व्हायरल झाला आहे. ऑनलाईन विश्वात सध्या या व्हिडीओची जोरदार चर्चा आहे.
महेश भट्ट यांचा व्हायरल होणारा व्हिडीओ अभिनेत्री जिया खानसोबतचा आहे. हा व्हिडीओ साधारण 2000 सालच्या आसपासचा असू शकेल. जिया खानने अमिताभ बच्चन यांच्यासोबतच्या 'निशब्द' या चित्रपटातून हिंदी इंडस्ट्रीत पदार्पण केलं होतं. खरंतर 2004 मध्ये आलेल्या 'तुमसा नही देखा' या सिनेमातून ती येणार होती. तेव्हाचा हा व्हिडीओ आता कुणीतरी व्हायरल केला आहे. त्यातही महेश भट्ट यांचा रियाच्या गळ्यात हात असून रिया आणि महेश भट्ट यांनी एकमेकांचे हात हातात घेतले आहेत. शिवाय, रियाही त्यांना खेटून बसलेली दिसते. त्यावरून भट्ट यांच्यावर ट्रोलकऱ्यांनी पुन्हा एकदा हल्लाबोल केला आहे.
रिया आणि भट्ट यांच्या संबंधांमुळेच सुशांत अस्वस्थ होता असा सूर अनेक सुशांतच्या चाहत्यांचा आहे. तर दुसरीकडे जिया आणि भट्ट यांच्यात आता काही संबंध होते का? असे प्रश्न विचारले जाऊ लागले आहेत. हा व्हिडीओ इन्स्टावर अनेकांनी शेअर केला आहे. त्याखाली नेटकऱ्यांनी भट्ट यांच्यावर टीका करत, अनेक प्रश्न विचारले आहेत. आजचा दिवस याच व्हिडीओमुळे गाजत आहे.
महत्त्वाच्या बातम्या :
महत्त्वाच्या बातम्या
बॉलीवूड
श्रद्धा कपूरच्या 'ईठा' सिनेमाच्या रिलीजची डेट बदलली; ऑगस्ट नाही तर, 'या' महिन्यात होणार रिलीज, तारीख आली समोर
बॉलीवूड
अभिनेता प्रकाश राज यांचा धक्कादायक दावा; म्हणाले, 'SIR प्रक्रियेनंतर मतदार यादीतून माझं नाव हटवलं'
बॉलीवूड
बळजबरी करतायत, राक्षसांचं राज्य असल्यासारखं वाटतंय...; धनकवडी जमीन प्रकरणावरुन ज्येष्ठ अभिनेत्री उषा चव्हाणांकडून सरकारवर ताशेरे
बॉलीवूड
पुन्हा हिंसा! विद्यार्थ्यांना काठ्यांनी फोडलं, अश्रुधुराच्या नळकांड्याही सोडल्या; साऊथ कलाकाराचा संताप, म्हणाला...
उमेश अलोणे, एबीपी माझा, अकोला
Opinion
