Bhool Bhulaiyaa 2 : 'भूल भुलैया 2'चे बॉक्स ऑफिसवर 50 दिवस पूर्ण; लवकरच पार करणार 250 कोटींचा टप्पा

Kartik Aaryan : कार्तिक आर्यनचा 'भूल भुलैया 2' हा सिनेमा सध्या बॉक्सऑफिसवर धुमाकूळ घालतो आहे.

Bhool Bhulaiyaa 2

Bhool Bhulaiyaa 2 : बॉलिवूड अभिनेता कार्तिक आर्यनचा (Kartik Aaryan) 'भूल भुलैया 2' (Bhool Bhulaiyaa 2) हा सिनेमा 20 मे रोजी सिनेमागृहात रिलीज झाला असून सध्या हा सिनेमा बॉक्स ऑफिसवर चांगलाच धुमाकूळ घालतो आहे. ओटीटीवर हा सिनेमा रिलीज झाला असला तरी बॉक्स ऑफिसवर या सिनेमाने 50 दिवस पूर्ण केले आहेत. 

'भूल भुलैया 2'ने केली 230 कोटींची कमाई

'भूल भुलैया 2' चा दबदबा जगभरात पाहायला मिळत आहे. ओपनिंग विकेंडला सर्वाधिक कमाई करणाऱ्या या सिनेमाने जागतिक पातळीवरदेखील अनेक रेकॉर्ड केले आहेत. जगभरात या सिनेमाने  230 कोटींचा गल्ला जमवला आहे. हा सिनेमा ओटीटीवर प्रदर्शित झाला असला तरी सिनेमागृहात चांगलाच धमाका करत आहे. 

कार्तिक आर्यनच्या 'भूल भुलैया 2' हा सिनेमा सिनेमागृहात चांगलाच धुमाकूळ घालत आहे. हा सिनेमा लवकरच 250 कोटींचा टप्पा पार करेल, अशी शक्यता वर्तवली जात आहे. 'भूल भुलैया 2'च्या यशाने या सिनेमाचा निर्माता भुषण कुमारने कार्तिक आर्यनला एक महागडी आलिशान कार भेट दिली होती. या आलिशान कारची किंमत 4 कोटी होती. 

'भूल भुलैया 2' मध्ये कार्तिक आर्यनने रूह बाबा ही भूमिका साकारली आहे. 2007 मध्ये रिलीज झालेल्या भूल भुलैया चित्रपटाचा हा दुसरा भाग आहे.भूल भुलैया चित्रपटाच्या पहिल्या भागामध्ये अक्षय कुमार, अमिशा पटेल, विद्या वालन आणि शाइनी आहूजा या कलाकारांनी प्रमुख भूमिका साकारली होती. भूल भूलैया-2 मध्ये कार्तिक आर्यनसोबतच तब्बू, कियारा अडवाणी आणि राजपाल यादव यांनी प्रमुख भूमिका साकारली आहे. 

संबंधित बातम्या