Kangana Ranaut : कंगना रनौतचा 'Tanu Weds Manu 3' येणार प्रेक्षकांच्या भेटीला; लवकरच शूटिंगला सुरुवात

Tanu Weds Manu 3 : कंगना रनौतचा (Kangana Ranaut) 'तनु वेड्स मनु 3' हा सिनेमा लवकरच प्रेक्षकांच्या भेटीला येणार आहे.

Tanu Weds Manu 3

Kangana Ranaut Tanu Weds Manu 3 : बॉलिवूड अभिनेत्री कंगना रनौत (Kangana Ranaut) सध्या 'तेजस' (Tejas) या सिनेमामुळे चर्चेत आहे. या सिनेमात ती वैमानिक तेजस गिल यांच्या भूमिकेत झळकली आहे. या सिनेमातील कंगनाच्या कामाचं सर्वत्र कौतुक होत आहे. आता 'तेजस' या सिनेमानंतर कंगनाचा 'तनु वेड्स मनु 3' (Tanu Weds Manu 3) हा सिनेमा प्रेक्षकांच्या भेटीला येणार आहे. पंगाक्वीन लवकरच या सिनेमाच्या शूटिंगला सुरुवात करणार आहे. 

आयएमडीबीला दिलेल्या मुलाखतीत कंगना रनौतने तिच्या आगामी सिनेमांबद्दल भाष्य केलं आहे. 'तेजस' या सिनेमानंतर कंगना विजय सेतुपतीसह एका थरार सिनेमात झळकणार आहे. तसेच 'नोटी बिनोदिनी' या बंगाली सिनेमातही ती दिसणार आहे. या दोन्ही सिनेमांसह कंगना रनौत लवकरच 'तनु वेड्स मनु 3' या सिनेमाच्या शूटिंगला सुरुवात करणार आहे. काही दिवसांपूर्वी इंडिया डॉट कॉमला दिलेल्या मुलाखतीत दिग्दर्शक आनंद एल राय म्हणाले होते की,"तनु वेड्स मनु 3' हा सिनेमा प्रेक्षकांच्या भेटीला येणार नाही. पण आता कंगना रनौतने खुलासा केल्याने चाहत्यांचा आनंद गगनात मावेनासा झाला आहे. 

With Tejas ready to take off, here's ⁦@KanganaTeam⁩ recounting her best performance, her favourite movies, and all that's in store for her next, exclusively in this episode of IMDb's Burning Questions 🔥🔥 pic.twitter.com/lPZbRaQui5

— IMDb India (@IMDb_in) October 26, 2023

'तनु वेड्स मनु 3'बद्दल (Tanu Weds Manu 3) भाष्य करतानाचा कंगना रनौतचा व्हिडीओ सोशल मीडियावर व्हायरल होत आहे. चाहते कमेंट्स करत आपल्या प्रतिक्रिया देत आहेत. 'तनु वेड्स मनु' हा सिनेमा 2011 मध्ये प्रेक्षकांच्या भेटीला आला होता. आनंद एल राय दिग्दर्शित हा सिनेमा बॉक्स ऑफिसवर सुपरहिट ठरला होता. या सिनेमात कंगनासह आर माधवन मुख्य भूमिकेत होते. आता या सिनेमाचा दुसरा भाग अर्थात 'तनु वेड्स मनु रिटर्न्स' हा सिनेमा 2015 मध्ये प्रेक्षकांच्या भेटीला आला आहे. या सिनेमात कंगना दुहेरी भूमिकेत झळकली होती. हा सिनेमाही बॉक्स ऑफिसवर सुपरहिट ठरला होता. आता तिच्या आगामी सिनेमांची प्रेक्षकांना प्रतीक्षा आहे. कंगनाचा इमर्जन्सी हा सिनेमाही प्रेक्षकांच्या भेटीसाठी सज्ज आहे. हा सिनेमा 2024 मध्ये प्रेक्षकांच्या भेटीला येणार आहे.

संबंधित बातम्या