Virat Kohli: किंग कोहलीचा सचिनला मानाचा मुजरा; व्हिडीओ शेअर करत कंगना म्हणाली..
अभिनेत्री कंगना रनौतनं (Kangana Ranaut) देखील खास पोस्ट शेअर करुन किंग कोहलीचे (Virat Kohli) कौतुक केले आहे.
Virat Kohli: भारत आणि न्यूझीलंड (IND vs NZ Semi-Final) यांच्यातील झालेला सेमी फायनलचा सामना भारतीयांसाठी खास ठरला. टीम इंडियाने न्यूझीलंडचा 70 धावांनी पराभव करून फायनलमध्ये प्रवेश केला. याशिवाय विराट कोहलीने (Virat Kohli) या सामन्यात आपले 50 वे शतक झळकावले. तसेच विराटनं सचिन तेंडुलकरचा (Sachin Tendulkar) विक्रम देखील मोडला. अनेक कलाकारांनी सोशल मीडियावर पोस्ट शेअर करुन विराटचं कौतुक केलं. अशातच अभिनेत्री कंगना रनौतनं (Kangana Ranaut) देखील खास पोस्ट शेअर करुन किंग कोहलीचे कौतुक केले आहे.
कंगनाची पोस्ट
कंगनानं इन्स्टाग्रामवर एक व्हिडीओ शेअर केला आहे. ज्यामध्ये विराट हा शतक झळकावल्यानंतर सचिनला अभिवादन करताना दिसत आहे. हा व्हिडीओ शेअर करुन कंगनानं कॅप्शनमध्ये लिहिलं, "किती अप्रतिम!! कोहलीने भविष्यात त्याचे रेकॉर्ड मोडणाऱ्यानं त्याला कसे अभिवादन करावे, याचे उत्तम उदाहरण दिलं आहे. तो ज्या पृथ्वीवर चालत आहे, त्याला देखील त्यांनी वंदन केलं पाहिजे. तो हे डिजर्व करतो."
विराट कोहली याने 50 वे शतक ठोकताच खास अंदाजानं सचिन तेंडुलकरला अभिवादन केले.सचिन तेंडुलकर उपांत्य फेरीचा सामना पाहण्यासाठी मैदानात आला होता. विराट कोहलीने त्याच्याकडे पाहत अभिवादन केले. त्यानंतर त्यानं अनुष्काला फ्लाईंग किस देत आपला आनंद व्यक्त केला.
कंगनाने विराट कोहलीचे कौतुक याआधीही देखील केले होते. कंगनाने विराट कोहली आणि त्याची पत्नी बॉलिवूड अभिनेत्री अनुष्का शर्मा यांना 'पावर कपल' असं म्हटलं होतं.
View this post on Instagram
कंगनाचे चित्रपट
कंगनाचा तेजस हा चित्रपट काही दिवसांपूर्वी प्रेक्षकांच्या भेटीला आहे. 'तेजस' या चित्रपटात कंगनासोबतच वरुण मित्रा देखील प्रमुख भूमिका साकारली. कंगनाच्या चंद्रमुखी 2 या चित्रपटाला देखील प्रेक्षकांची पसंती मिळाली. कंगना ही लवकरच 'इमर्जन्सी' (Emergency) या चित्रपटामधून प्रेक्षकांच्या भेटीस येणार आहे. या चित्रपटात कंगना ही इंदिरा गांधी (Indira Gandhi) यांची भूमिका साकारणार आहे. कंगनाचा 'इमर्जन्सी' हा चित्रपट बॉक्स ऑफिसवर किती कमाई करणार? याकडे अनेकांचे लक्ष लागले आहे. कंगनाच्या आगामी चित्रपटांची प्रेक्षक उत्सुकतेने वाट बघत आहेत.
संबंधित बातम्या:
महत्त्वाच्या बातम्या
