Emergency Release Date: कंगना रणौतच्या इमर्जन्सीला हिरवा झेंडा, जाणून घ्या कधी होणार सिनेमा रिलीज
Emergency Release Date:अभिनेत्री कंगना राणौतच्या ‘इमर्जन्सी’ या चित्रपटाच्या प्रदर्शनाची तारीख अखेर समोर आलेली आहे.
Emergency Release Date: बॉलिवूड अभिनेत्री कंगना राणौतचा (Kangana Ranaut) बहुप्रतिक्षित 'इमर्जन्सी' (Emergency) या सिनेमाच्या रिलीज डेटविषयी मागील अनेक दिवसांपासून बऱ्याच चर्चा सुरु आहेत. कारण या सिनेमाला अद्यापही रिलीज डेट मिळाली नव्हती. तसेच वारंवार त्याच्या प्रदर्शनाचा तारखा देखील बदलण्यात येत होत्या. पण आता अखेरीस ही प्रतीक्षा संपली आहे. कारण या सिनेमाला आता रिलीज डेट मिळाली असून कंगनानेच याविषयी माहिती दिली आहे.
'क्वीन' फेम अभिनेत्री कंगनाने सोशल मीडिया प्लॅटफॉर्म 'एक्स'च्या माध्यमातून ही माहिती दिली. सेन्सॉर बोर्डाकडून इमर्जन्सी सिनेमाला हिरवा झेंडा दाखवण्यात आलाय. तसेच हा सिनेमा पुढील वर्षी म्हणजेच 2025 मध्ये 17 जानेवारी रोजी प्रदर्शित होणार आहे.
कंगना रणौतचा 'इमर्जन्सी' होणार रिलीज
कंगना रणौतने तिच्या एक्स हँडलवर चित्रपटाचे पोस्टर शेअर केले आहे. त्याचसोबत कंगनाने लिहिलं की, '17 जानेवारी 2025 - देशातील सर्वात शक्तिशाली महिलेची कथा आणि भारताचे नशीब बदलणारा क्षण. यावर आधारित 'इमर्जन्सी' हा चित्रपट 17 जानेवारी 2025 रोजी थिएटरमध्ये दाखल होणार आहे.
'इमर्जन्सी' हा चित्रपट देशाच्या पहिल्या महिला पंतप्रधान इंदिरा गांधी यांच्या जीवनावर आधारित आहे. या चित्रपटात इंदिरा गांधी सरकारच्या काळात लागू करण्यात आलेल्या आणीबाणीचा काळ दाखवण्यात येणार आहे. या चित्रपटात कंगना रणौत इंदिरा गांधींच्या भूमिकेत आहे. विशेष म्हणजे या चित्रपटाच्या दिग्दर्शनाची जबाबदारी स्वत: कंगनाने घेतली आहे.'इमर्जन्सी' चित्रपटात कंगनाशिवाय अनुपम खेर जयप्रकाश नारायण आणि श्रेयस तळपदे माजी पंतप्रधान अटलबिहारी वाजपेयींच्या भूमिकेत दिसणार आहेत.याशिवाय सतीश कौशिक, मिलिंद सोमण आणि महिला चौधरी देखील 'इमर्जन्सी' चित्रपटात दिसणार आहेत.
कंगना रणौतचे सिनेमे ठरले फ्लॉप
कंगना राणौत ही तेजस या सिनेमातून प्रेक्षकांच्या भेटीला आली होती. 2023 मध्ये रिलीज झाला होता आणि हा सिनेमा बॉक्स ऑफिसवर फ्लॉप ठरला. यानंतर कंगना निवडणुकीत व्यस्त झाली आणि हिमाचल प्रदेशच्या मंडीमधून खासदार म्हणून निवडून आली. कंगना राणौत बऱ्याच दिवसांपासून 'इमर्जन्सी' चित्रपटाच्या रिलीजसाठी संघर्ष करत होती. पण आता हा सिनेमा लवकरच प्रेक्षकांच्या भेटीस येणार आहे.
17th January 2025 – The epic saga of the nation’s most powerful woman and the moment that altered India’s destiny. #Emergency – Unveils Only in cinemas on 17.01.2025! @KanganaTeam @AnupamPKher #SatishKaushik @shreyastalpade1 #MahimaChaudhry @milindrunning #VishakNair… pic.twitter.com/dC0gnYSNlW
— Kangana Ranaut (@KanganaTeam) November 18, 2024
ही बातमी वाचा :
महत्त्वाच्या बातम्या
ट्रेंडिंग न्यूज
