Emergency Movie : कंगना रणौतला मोठा झटका, 'इमर्जन्सी'चा शुक्रवारचा मुहूर्तही हुकला, सेन्सॉरच्या कात्रीतून कधी सुटणार चित्रपट?

Emergency Movie Release Date : अभिनेत्री कंगना राणौतच्या ‘इमर्जन्सी’ चित्रपटाच्या निर्मात्यांनी चित्रपटाच्या प्रदर्शनासाठी आणि सेन्सॉर प्रमाणपत्रासाठी मुंबई उच्च न्यायालयात धाव घेतली.

Kangana Ranaut Emergency Movie Release Date

Source : Insta/kanganaranaut

Kangana Ranaut Emergency Movie Release Date : लोकसभा खासदार आणि अभिनेत्री कंगना रणौत हिच्या आगामी इमर्जन्सी चित्रपटाचा मुहूर्त हुकला आहे. सर्टिफिकेट देण्याबाबत सेन्सॉर बोर्डाला थेट आदेश देता येणार नाहीत, असं स्पष्टीकरण हायकोर्टानं दिलं आहे. या प्रकरणाची पुढील सुनावणी आता 19 सप्टेंबरपर्यंत तहकूब करण्यात आल्याने चित्रपट 6 सप्टेंबरला प्रदर्शित होणार नाही.

कंगना रणौतला मोठा झटका

अभिनेत्री कंगणा रणौतच्या (Kangana Ranaut) इमर्जन्सी चित्रपटाच्या (Emergency Release Date) रिलीज डेट आणि सेन्सॉर प्रमाणपत्रासाठी झी एन्टरटेन्मेटनं मुंबई उच्च न्यायालयात याचिका दाखल केली आहे. सीबीएफसीनं सुचवलेल्या कट्सचा विचार करून निर्मात्यांनी त्यांच्याकडे नव्यानं सादरीकरण करण्याचे निर्देश झी एन्टरटेन्मेटला हायकोर्टानं दिला आहे. "पडद्यामागे काहीतरी सुरूय, पण नक्की काय? ते आम्हाला ठाऊक नाही", अशी टिपण्णीही हायकोर्टानं केली आहे.

'इमर्जन्सी'चा शुक्रवारचा मुहूर्तही हुकला

तसेच गणपतीचं कारण न देता यावर 18 सप्टेंबरपर्यंत योग्य तो निर्णय घेण्याचा आदेश  हायकोर्टाकडून सीबीएफसीला देण्यात आला आहे. या प्रकरणावरील पुढील सुनावणी 19 सप्टेंबरपर्यंत तहकूब करण्यात आला आहे. अभिनेत्री कंगना राणौतच्या ‘इमर्जन्सी’ चित्रपटाच्या निर्मात्यांनी चित्रपटाच्या प्रदर्शनासाठी आणि सेन्सॉर प्रमाणपत्रासाठी बुधवारी मुंबई उच्च न्यायालयात धाव घेतली. या याचिकेवर न्यायमूर्ती बी.पी. कोलाबावाला आणि न्यायमूर्ती फिरदोश पूनीवाला यांच्या खंडपीठापुढे सुनावणी झाली.

 

 

 

 

 

View this post on Instagram

 

 

 

 

 

 

 

 

 

 

 

A post shared by Kangana Ranaut (@kanganaranaut)

सेन्सॉरच्या कात्रीतून कधी सुटणार चित्रपट?

देशातील आणीबाणीवर आधारित कंगना रणौतच्या बहुचर्चित इमर्जन्सी चित्रपट सेन्सॉरच्या कात्रीत अडकल्याचं दिसत आहे. हा चित्रपट 6 सप्टेंबरला प्रदर्शित होणार होता. मात्र, सेन्सॉरकडून प्रमाणपत्र न मिळाल्याने आता या चित्रपटाचा 6 सप्टेंबरला मुहूर्त हुकला आहे. चित्रपटाच्या निर्मात्यांनी हायकोर्टात दाखल केलेल्या याचिकेवर 19 सप्टेंबरला पुढील सुनावणी होणार आहे, त्यानंतर या चित्रपटाच्या रिलीजला मार्ग मोकळा होण्याची शक्यता आहे.

कंगनाच्या 'इमर्जन्सी'ला मुहूर्त सापडेना

कंगना रणौतचा बहुचर्चित आणि बहुप्रतिक्षित इमर्जन्सी चित्रपट 6 सप्टेंबरला प्रदर्शित होणार होता. पण, आता पुन्हा या चित्रपटाची रिलीज डेट पुढे ढकलण्यात आलेली आहे. कंगना रणौतने याआधी लोकसभा निवडणुकीमुळे  (Lok Sabha 2024 Election Campaign) इमर्जन्सी चित्रपटाची रिलीज डेट पुढे ढकलली होती. आता सेन्सॉरचं प्रमाणपत्र न मिळाल्यामुळे हा चित्रपट 6 सप्टेंबरलाही प्रदर्शित होणार नाही.

महत्त्वाच्या इतर बातम्या :