Kalki OTT Release : 'कल्की 2898 एडी' चित्रपट ओटीटी गाजवण्यास सज्ज, या दिवशी नेटफ्लिक्सवर रिलीज होणार
Kalki 2898 AD OTT Release Date : 'कल्की 2898 एडी' चित्रपट लवकरच ओटीटीवर प्रदर्शित करण्यात येणार आहे.
मुंबई : जगभरात विक्रम रचलेला प्रभासचा 'कल्की 2898 एडी' चित्रपट लवकरच ओटीटीवर पाहता येणार आहे. दिग्दर्शक नाग अश्विनचा सायन्स-फिक्शन डिस्टोपियन 'कल्की 2898 एडी' या चित्रपटाने बॉक्स ऑफिसवर रेकॉर्डब्रेक कमाई केली. अभिनेता प्रभास, दीपिका पदुकोण, अमिताभ बच्चन, कमल हासन आणि दिशा पटानी स्टारर चित्रपटाला प्रेक्षकांचे भरभरून प्रेम मिळालं.
'कल्की 2898 एडी' चित्रपट ओटीटी गाजवण्यास सज्ज
बॉक्स ऑफिस गाजवल्यानंतर आता 'कल्की 2898 एडी' चित्रपट ओटीटीवर धडकणार आहे. 'कल्की 2898 एडी'च्या ओटीटी रिलीजची प्रेक्षक आतुरतेने वाट पाहत आहेत. कल्कि चित्रपट अनेकांनी थिएटरमध्ये पाहिला, पण अनेकांना हा चित्रपट अद्यापही पाहता आलेला नाही. त्यामुळे प्रेक्षक याच्या ओटीटी रिलीजची आतुरतेने वाट पाहत होते. त्याशिवाय, अनेकांना हा चित्रपट पुन्हा पाहण्यासाठी उत्सुक आहेत. त्यामुळे निर्मात्यांनी प्रेक्षकांची प्रतीक्षा संपवली आहे.
या दिवशी नेटफ्लिक्सवर रिलीज होणार
'कल्की 2898 एडी' चित्रपटाची ओटीटी रिलीज डेट जाहीर केली आहे. 'कल्की 2898 एडी' ओटीटी (OTT) रिलीजची प्रतीक्षा आता संपणार आहे. त्यामुळे प्रेक्षकांची उत्कंठा आता शिगेला पोहोचली आहे. 'कल्की 2898 एडी' दिग्दर्शक नाग अश्विन यांच्या 'कल्की 2898 एडी' चित्रपटाच्या ओटीटी रिलीजची तारीख जाहिर केली आहे. कल्कि 2898 एडी चित्रपट ओटीटी प्लॅटफॉर्म नेटफ्लिक्सवर 22 ऑगस्ट रोजी प्रदर्शित होणार आहे.
View this post on Instagram
कथाकथनाच्या सीमा ओलांडणारा चित्रपट
या चित्रपटातील त्याच्या व्यक्तिरेखेसाठी प्रभासला प्रेक्षकांकडून भरभरून दाद मिळाली. अभिनेता प्रभासनेही याबद्दल आनंद व्यक्त करताना सांगितले की, 'कल्की 2898 एडी हा कथाकथनाच्या सीमा ओलांडणारा चित्रपट आहे. नेटफ्लिक्सवर या चित्रपट पाहण्याचा अनुभव जगभरातील प्रेक्षकांसाठी मी प्रोत्साहित करत आहे'. अशी प्रभासने म्हटलं आहे.
कल्कि 2898 एडी चित्रपटाची रेकॉर्डब्रेक कमाई
'कल्की 2898 एडी' (Kalki 2898 AD) या चित्रपटाने बॉक्स ऑफिस चांगलंच गाजवलं आहे. मागील वर्षीच्या तुलनेत या वर्षी बॉक्स ऑफिसवर इतकी रेकोर्डब्रेक कमाई कोणत्याही चित्रपटाला करता आली नाही. काही मोजकेच चित्रपट हिट ठरले. 'कल्की 2898 एडी'ने सर्व उणिवा एकत्र भरून काढल्या आहेत. पहिल्या दिवसापासून चित्रपटाने बंपर कमाई केली आहे. 20 व्या दिवशी म्हणजे मंगळवारी तिकिटबारीवर 'कल्की'चा जोर दिसून आला.
महत्त्वाच्या इतर बातम्या :
Kalki 2898 AD : 'कल्की 2898 एडी'च्या दुसऱ्या भागातून दीपिकाचा पत्ता कट? प्रभासकडून मोठा खुलासा
महत्त्वाच्या बातम्या
