Jacqueline Fernandez: 200 कोटींच्या मनी लाँड्रिंग प्रकरणात जॅकलिन फर्नांडिसला कोर्टाकडून दिलासा! जामीन मंजूर

पटियाला कोर्टानं अभिनेत्री जॅकलिन फर्नांडिसला (Jacqueline Fernandez)  जामिन मंजूर केला आहे. दोन लाखांच्या जातमुचलक्यावर जॅकलिनला जामीन मिळाला आहे.

Jacqueline Fernandez

Jacqueline Fernandez: मनी लाँड्रिंग प्रकरणी पटियाला कोर्टानं अभिनेत्री जॅकलिन फर्नांडिसला (Jacqueline Fernandez)  जामीन मंजूर केला आहे. कोर्टाच्या परवानगीशिवाय देश सोडून जाण्यास जॅकलिनला मनाई करण्यात आली आहे. दोन लाखांच्या जातमुचलक्यावर जॅकलिनला जामीन मिळाला आहे.  यापूर्वी जॅकलिनच्या जामिनावर 11 नोव्हेंबरला निर्णय होणार होता. मात्र न्यायालयाने निर्णय राखून ठेवला होता. आज (15 नोव्हेंबर) पटियाला कोर्टामध्ये जॅकलिनच्या जामिना आर्जावर  सुनावणी झाली. 

 

जॅकलिनच्या जामीनाचा ईडीनं केला होता विरोध

जॅकलिनच्या जामीन अर्जाला विरोध करताना ईडीनं कोर्टात म्हटलं होतं की, 'तिनं देश सोडून पळून जाण्याचा प्रयत्न केला, तिने तपासकर्त्यांना सहकार्य केले नाही. आम्ही आयुष्यात कधी 50 लाख पाहिले नाहीत आणि जॅकलिननं फक्त मजा करण्यासाठी 7.14 कोटी खर्च केले. जॅकलिननं पळून जाण्यासाठी प्रत्येक मार्गाचा अवलंब केला कारण तिच्याकडे पैसे आहेत.'

जॅकलिनची याआधी दिल्लीतील पटियाला हाऊस कोर्टात सुनावणी झाली होती. दरम्यान विशेष न्यायाधीश शैलेंद्र मलिक यांनी ईडी आणि जॅकलिन यांचा युक्तिवाद ऐकल्यानंतर अंतरिम जामिनावरील निकाल शुक्रवारपर्यंत राखून ठेवला होता. 

सुकेश चंद्रशेखरनं जॅकलिनला दिल्या होत्या महागड्या वस्तू

मनी लाँड्रिंग प्रकरणामुळे सुकेश चंद्रशेखर हा सध्या अटकेत आहे.  सुकेशने 200 कोटींच्या मनी लाँड्रिंगच्या पैशातून बॉलिवूड अभिनेत्रींना महागड्या भेटवस्तू दिल्या होत्या. याप्रकरणात सर्वात आधी अभिनेत्री जॅकलिन फर्नांडिसचंनाव समोर आले होते. त्यानंतर याप्रकरणात आणखी काही अभिनेत्रींचा सहभाग असल्याचं समोर आले.

जॅकलिन फर्नांडिला सुकेश चंद्रशेखरनं महागड्या वस्तू भेट दिल्या होत्या. सुकेशवर 200 कोटींच्या मनी लाँड्रिंगचा आरोप आहे. सुकेश चंद्रशेखरने 5 जनावरं जॅकलिनला गिफ्ट म्हणून दिल्याचे समोर आले होते. त्यातल्या अरबी घोड्याची किंमत तब्बल 52 लाख रूपये होती. तर प्रत्येकी 9 लाख रुपये किंमत असलेली 36 लाख रूपयांची 4 पर्शियन मांजरं देखील जॅकलिनला देण्यात आली होती. दिग्गज लोकांसह अनेकांची फसवणूक केल्याचा सुकेशवर आरोप आहे. 17 ऑगस्ट रोजी ईडीने आरोपपत्र दाखल केले होते. 

जॅकलीनच्या आगामी चित्रपटांची प्रेक्षक उत्सुकतेने वाट बघत आहेत. तिचा 'रामसेतू' हा चित्रपट काही दिवसांपूर्वी प्रदर्शित झाला. या सिनेमात जॅकलीनसोबत नुसरत भरुचा आणि अक्षय कुमार यांनी देखील प्रमुख भूमिका साकारली आहे. 

वाचा इतर महत्वाच्या बातम्या: