Box Office Collection: ‘फुकरे 3’ ची बॉक्स ऑफिसवर जादू; ‘चंद्रमुखी 2’ आणि 'द वॅक्सिन वॉर'ला मागे टाकत केली एवढी कमाई, जाणून घ्या कलेक्शन

Box Office Collection: जाणून घ्या फुकरे 3 (Fukrey 3), द वॅक्सिन वॉर (The Vaccine War) आणि चंद्रमुखी 2 (Chandramukhi 2) या चित्रपटांचे बॉक्स ऑफिस कलेक्शन....

Written By : एबीपी माझा एंटरटेनमेंट डेस्क | Edited By: प्रियांका कुलकर्णी | Updated at : 02 Oct 2023 04:44 PM (IST)

Box Office Collection

Box Office Collection: 28 सप्टेंबर रोजी तीन चित्रपटांची बॉक्स ऑफिसवर टक्कर झाली. फुकरे 3 (Fukrey 3), द वॅक्सिन वॉर (The Vaccine War) आणि चंद्रमुखी 2 (Chandramukhi 2) हे तीन चित्रपट एकाच दिवशी रिलीज झाले. या तीनही चित्रपटांमध्ये बॉलिवूडमधील प्रसिद्ध कलाकारांनी काम केलं आहे. पण फुकरे 3 या चित्रपटानं द वॅक्सिन वॉर आणि चंद्रमुखी 2 या चित्रपटांपेक्षा जास्त कमाई केली आहे. जाणून घेऊयात या तीन चित्रपटांचे बॉक्स ऑफिस कलेक्शन....

'फुकरे 3' चे बॉक्स ऑफिस कलेक्शन (Fukrey 3 Box Office Collection)

Saknilk च्या सुरुवातीच्या ट्रेंड रिपोर्टनुसार, 'फुकरे 3' चित्रपटानं रविवारी (1 सप्टेंबर) म्हणजेच रिलीज झाल्यानंतर चौथ्या दिवशी 15.25 कोटींची कमाई केली आहे. या चित्रपटानं चार दिवसात 43.55 कोटींची एकूण कमाई केली आहे. फुकरे 3 या चित्रपटामधील कलाकारांचा कॉमेडी अंदाज प्रेक्षकांच्या पसंतीस पडला आहे. या चित्रपटात रिचा चढ्ढा, पुलकित सम्राट, वरुण शर्मा, पंकज त्रिपाठी, मनजोत सिंह या कलाकारांनी प्रमुख भूमिका साकारली आहे.

View this post on Instagram

A post shared by Richa Chadha (@therichachadha)

'द वॅक्सिन वॉर' चे बॉक्स ऑफिस कलेक्शन (The Vaccine War Box Office Collection)

SACNILC च्या रिपोर्टनुसार, द वॅक्सिन वॉर या चित्रपटानं रविवारी (1 सप्टेंबर) 2.50 लाख रुपये एवढी कमाई केली आहे. या चित्रपटानं चार दिवसात 6 कोटी एवढी कमाई केली आहे. द वॅक्सिन वॉर या चित्रपटाचे दिग्दर्शन विवेक अग्रिहोत्री यांनी केले आहे. या चित्रपटात नाना पाटेकर, पल्लवी जोशी यांनी प्रमुख भूमिका साकारली आहे.

View this post on Instagram

A post shared by Vivek Ranjan Agnihotri (@vivekagnihotri)

'चंद्रमुखी 2' चे बॉक्स ऑफिस कलेक्शन (Chandramukhi 2 Box Office Collection)

'चंद्रमुखी 2' या चित्रपटात कंगना रनौतनं प्रमुख भूमिका साकारली आहे. Saknilk च्या रिपोर्टनुसार, 'चंद्रमुखी 2' चित्रपटानं रिलीजच्या चौथ्या दिवशी म्हणजे रविवारी 6.25 कोटी रुपयांची कमाई केली आहे. यासोबतच चार दिवसात चित्रपटाचे कलेक्शन 23.90 कोटी रुपये झाले आहे. 'चंद्रमुखी 2' या चित्रपटाचे दिग्दर्शन धुरा पी वासू यांनी केले आहे.