TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या
Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.
TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -
विजय थलापतीच्या 'बीस्ट'चा ट्रेलर रिलीज
दाक्षिणात्य सुपरस्टार विजय थलापतीच्या 'बीस्ट' या सिनेमाची प्रेक्षक आतुरतेने वाट पाहत आहेत. नेल्सन दिलीपकुमार यांनी या सिनेमाचे दिग्दर्शन केले आहे. नुकताच या सिनेमाचा ट्रेलर प्रेक्षकांच्या भेटीला आला आहे. 'बीस्ट' सिनेमात विजय थलापती आणि पूजा हेगडे मुख्य भूमिकेत आहेत. या सिनेमात अॅक्शनचा तडका असणार आहे.
बॉलिवूड अभिनेत्री मलायका अरोराच्या गाडीला अपघात
बॉलिवूड अभिनेत्री मलायका अरोराच्या गाडीचा मुंबई पुणे एक्स्प्रेस मार्गावर खोपोलीनजीक बोरघाटात अपघात झाला आहे. बोरघाटात पाच-सहा वाहने एकमेकांना धडकली. यात मलायका अरोराच्या कारचादेखील समावेश होता. राज ठाकरेंच्या सभेला जाणाऱ्या मनसेच्या कार्यकर्त्यांच्या मदतीने मलायका अरोराला रुग्णालयात दाखल करण्यात आले आहे. अपघातात मलायकाच्या डोक्याला दुखापत झाली आहे. सध्या नवी मुंबईतील अपोलो रुग्णालयात तिच्यावर उपचार सुरू आहेत.
नवीन वर्षांत ‘जत्रा2’ येणार प्रेक्षकांच्या भेटीला!
अभिनेता भरत जाधव , सिद्धार्थ जाधव आणि विजय कदम यांची मुख्य भूमिका असणाऱ्या 'जत्रा' या चित्रपटाने प्रेक्षकांना पोट धरून हसवले. आता या चित्रपटाला जवळपास 16 वर्षे झाली आहे. मात्र, आजही या चित्रपटाची जादू कायम आहे. आजही हा चित्रपट प्रेक्षक आवर्जून बघतात. ‘जत्रा’च्या चाहत्यांसाठी एक आनंदाची बातमी आहे. हिंदू नववर्षाचं निमित्त साधत ‘जत्रा’च्या टीमने ‘जत्रा 2’ची घोषणा केली आहे.
विल स्मिथचं मोठं पाऊल, ऑस्कर अकादमीमधून राजीनामा!
हॉलिवूडचा प्रसिद्ध अभिनेता विल स्मिथ याने अॅकॅडमी ऑफ मोशन पिक्चर आर्ट्स अँड सायन्सेसच्या सदस्यत्वाचा राजीनामा दिल्याचे वृत्त समोर आहे. ऑस्कर अवॉर्ड शोमध्ये होस्ट क्रिस रॉकला थप्पड मारल्यानंतर झालेल्या वादातून त्याने हे पाऊल उचलल्याचे मानले जात आहे. शुक्रवारी रात्री अभिनेता विल स्मिथनेही एक निवेदन जारी केले.
गिरीश कुलकर्णींच्या 'भिरकीट' सिनेमाचे पोस्टर आऊट
'भिरकीट' सिनेमा सध्या सोशल मीडियावर चर्चेत आहे. हा सिनेमा 17 जूनला प्रेक्षकांच्या भेटीला येणार आहे. गुढीपाडव्याच्या निमित्ताने या सिनेमाचे पोस्टर आऊट करण्यात आले आहे. पोस्टरमध्ये गिरीश कुलकर्णी स्कुटरवर बसलेले दिसत आहेत.
संबंधित बातम्या
Shraddha Kapoor : श्रद्धा कपूरने पारंपारिक पद्धतीने साजरा केला गुढी पाडवा, चाहत्यांना दिल्या नव वर्षाच्या शुभेच्छा
My Dad’s Wedding : गुढी पाडव्याच्या निमित्ताने सुभाष घईंच्या 'माय डॅड्स वेडिंग'ची घोषणा, पहिले पोस्टरही रिलीज!
Rashmika Mandanna : रणबीर कपूरच्या ‘अ‍ॅनिमल’मध्ये रश्मिका मंदनाची एण्ट्री, चित्रपटात साकारणार महत्त्वाची भूमिका!
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
