Jacqueline Fernandez : जॅकलीन फर्नांडिसला ईडीने बजावले समन्स, 200 कोटींच्या मनी लाँड्रिंग प्रकरणाची होणार चौकशी

Jacqueline Fernandez : अभिनेत्री जॅकलीन फर्नांडिसच्या अडचणीत वाढ झाली आहे. 8 डिसेंबर रोजी दिल्लीत हजर राहण्याचे ईडीने समन्स बजावले आहे.

जॅकलीन

Jacqueline Summoned by ED : अभिनेत्री जॅकलीन फर्नांडिसच्या (Jacqueline Fernandez)अडचणीत वाढ झाली आहे. महागडी जनावरं गिफ्ट घेणं तिला आता महागात पडले आहे. सुकेश चंद्रशेखर प्रकरणात जॅकलिनचे नाव समोर आले आहे. मुंबई विमानतळावर ईडीने तिला थांबवले होते. त्यानंतर आता 8 डिसेंबर रोजी दिल्लीत हजर राहण्याचे ईडीने तिला समन्स बजावले आहे. 200 कोटींच्या मनी लाँड्रिंग प्रकरणाची चौकशी होणार आहे. 

सुकेशने जॅकलीनला दिली कोटींची भेट
जॅकलीन एका कार्यक्रमासाठी दुबईला जात असताना ईडीच्या अधिकाऱ्यांनी काल मुंबई विमानतळावर तिला थांबवले होते. सुकेश चंद्रशेखर (Sukesh ChandraShekhar) यांच्या 200 कोटी रुपयांच्या खंडणी प्रकरणात जॅकलिन फर्नांडिसची ईडीकडून चौकशी होणार आहे. सुकेश चंद्रशेखर या उद्योगपतीने एकूण 5 जनावरं जॅकलिनला गिफ्ट म्हणून दिल्याचं समोर आलं होतं. तल्या अरबी घोड्याची किंमत तब्बल 52 लाख आणि प्रत्येकी 9 लाख रुपये किंमत असलेली एकूण 36 लाखांच्या 4 पर्शियन मांजरांचाही समावेश आहे. 

जॅकलीन आणि सुकेशचा एक फोटोदेखील समोर आला आहे. हा फोटो समोर आल्यानंतर जॅकलीन आणि सुकेश रिलेशनशिपमध्ये असल्याचा दावा करण्यात आला होता. दिल्लीच्या तिहार तुरुंगातून 200 कोटी रुपये वसूल केल्याप्रकरणी ईडीने शनिवारीच आरोपपत्र दाखल केले होते.

जॅकलीनला घोडा आणि मांजर गिफ्ट करणारा सुकेश चंद्रशेखर कोण ?
सुकेश चंद्रशेखर हा बंगळुरुतला एक उद्योगपती आहे. सुरुवातीला नोकरी देण्याच्या आमिषाने त्याने अनेकांची फसवणूक केली. 75 जणांचे 100 कोटी रुपये घेऊन त्याने पोबारा केला. निवडणूक आयोगात ओळख असल्याचं सांगून हवं ते चिन्ह मिळवून देण्याचं आमिष त्यानं दाखवलं. याच प्रकरणात दिल्ली पोलिसांनी त्याला 2017 मध्ये अटक केली.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha