एक्स्प्लोर

Jacqueline Fernandez : जॅकलीनच्या अडचणीत वाढ, ईडीने मुंबई विमानतळावर रोखलं

Jacqueline Fernandez : अभिनेत्री जॅकलीन फर्नांडिसला महागडी जनावरं गिफ्ट घेणं महागात पडलं आहे. मुंबई विमानतळावर तिला ईडीने थांबवले आहे.

Written By : एबीपी माझा वेब टीम | Edited By: मंजिरी पोखरकर | Updated at : 05 Dec 2021 09:06 PM (IST)

जॅकलीन

Jacqueline Fernandez : अभिनेत्री जॅकलीन फर्नांडिसला (Jacqueline Fernandez) महागडी जनावरं गिफ्ट घेणं महागात पडले आहे. सुकेश चंद्रशेखर प्रकरणात जॅकलिनचे नाव समोर आले आहे. त्यामुळे मुंबई विमानतळावर ईडीने तिला थांबवले आहे. जॅकलीन एका कार्यक्रमासाठी दुबईला जात असताना ईडीच्या अधिकाऱ्यांनी तिला थांबवले.

सुकेश चंद्रशेखर (Sukesh ChandraShekhar) यांच्या 200 कोटी रुपयांच्या खंडणी प्रकरणात जॅकलिन फर्नांडिसची ईडीकडून चौकशी सुरू आहे. सुकेश चंद्रशेखर या उद्योगपतीने एकूण 5 जनावरं जॅकलिनला गिफ्ट म्हणून दिल्याचं समोर आलं होतं. तल्या अरबी घोड्याची किंमत तब्बल 52 लाख आणि प्रत्येकी 9 लाख रुपये किंमत असलेली एकूण 36 लाखांच्या 4 पर्शियन मांजरांचाही समावेश आहे. ही सर्व माहिती ईडीने दाखल केलेल्या आरोपपत्रामध्ये देण्यात आली आहे.जॅकलीन एका कार्यक्रमासाठी दुबईला जात असताना ईडीच्या अधिकाऱ्यांनी तिला थांबवले.

नोरा फतेही देखील सुकेशच्या उधळपट्टीची लाभार्थी
नॅशनल क्रश नोरा फतेही देखील सुकेशच्या उधळपट्टीची लाभार्थी होती अशी माहिती समोर आली आहे. आरोपपत्रातल्या आरोपानुसार सुकेश चंद्रशेखरने नोरा फतेहीला एक बीएमडब्ल्यू कार आणि एक आयफोनदेखील भेट दिला होता. ज्याची एकूण किंमत ही 1 कोटींच्या आसपास होती. इतकंच नाही तर सुकेश जेव्हा जेलमध्ये होता. तेव्हाही फोनद्वारे जॅकलीनच्या संपर्कात होता. जेव्हा तो जामिनावर बाहेर आला. तेव्हा त्याने दिल्लीहून चेन्नईला जाण्यासाठी एक चार्टर्ड फ्लाईट बुक केली आणि त्यानंतर जॅकलीन आणि सुकेश हे एका हॉटेलमध्ये दोन दिवस एकत्र होते. सुकेशने केवळ हवाई प्रवासासाठी तब्बल 8 कोटी खर्च केले होते.

जॅकलीनला घोडा आणि मांजर गिफ्ट करणारा सुकेश चंद्रशेखर कोण ?
सुकेश चंद्रशेखर हा बंगळुरुतला एक उद्योगपती आहे. सुरुवातीला नोकरी देण्याच्या आमिषाने त्याने अनेकांची फसवणूक केली. 75 जणांचे 100 कोटी रुपये घेऊन त्याने पोबारा केला. निवडणूक आयोगात ओळख असल्याचं सांगून हवं ते चिन्ह मिळवून देण्याचं आमिष त्यानं दाखवलं. याच प्रकरणात दिल्ली पोलिसांनी त्याला 2017 मध्ये अटक केली.

संबंधीत बातम्या