Dance Maharashtra Dance : 'किचन कल्लाकार' घेणार प्रेक्षकांचा निरोप? ‘डान्स महाराष्ट्र डान्स’ होणार सुरू

Kitchen Kallakar : 'किचन कल्लाकार' हा कार्यक्रम आता प्रेक्षकांचा निरोप घेणार असल्याचे म्हटले जात आहे.

Dance Maharashtra Dance

Dance Maharashtra Dance : झी मराठीवर ‘डान्स महाराष्ट्र डान्स’ (Dance Maharashtra Dance) हा रिऍलिटी शो लवकरच सुरू होणार आहे. हा कार्यक्रम खास बालकलाकारांसाठी आयोजित करण्यात आला आहे. सध्या महाराष्ट्रातील कानाकोपऱ्यातून या कार्यक्रमासाठी ऑडिशन होत आहेत. ‘डान्स महाराष्ट्र डान्स’ हा कार्यक्रम आता सुरू होणार असल्याने 'किचन कल्लाकार' (Kitchen Kallakar) हा कार्यक्रम आता प्रेक्षकांचा निरोप घेणार असे म्हटले जात आहे. 

'किचन कल्लाकार' घेणार निरोप

'किचन कल्लाकार' हा कार्यक्रम आता प्रेक्षकांचा निरोप घेणार आहे. या कार्यक्रमात गेल्या काही दिवसांपासून बदल होत आहेत. या कार्यक्रमात प्रशांत दामले महाराज होते. पण त्यांची जागा आता निर्मिती सावंतने घेतली आहे. तर या कार्यक्रमाचा सुत्रसंचालक संकर्षण कऱ्हाडेची जागा श्रेया बुगडेने घेतली आहे. सध्या प्रशांत दामले आणि संकर्षण कऱ्हाडे नाटकांचे दौरे करत असल्याने 'किचन कल्लाकार' हा कार्यक्रम प्रेक्षकांचा निरोप घेणार असे म्हटले जात आहे. 

‘डान्स इंडिया डान्स’च्या ऑडिशनला सुरुवात

महाराष्ट्रातील बालकलाकार ‘डान्स महाराष्ट्र डान्स’मध्ये सहभागी होण्यासाठी उत्सुक आहेत. त्यामुळे संपूर्ण महाराष्ट्रात सध्या ‘डान्स महाराष्ट्र डान्स’च्या ऑडिशन होत आहेत. ऑडिशनद्वारे लिटिल मास्टर्सची निवड करण्यात येणार आहे. हे लिटिल मास्टर ‘डान्स महाराष्ट्र डान्स लिटिल मास्टर्स’चा किताब पटकवणार आहेत. या नव्या कार्यक्रमाच्या सूत्रसंचालन आणि परीक्षकाची धुरा कोण सांभाळणार याकडे प्रेक्षकांचं लक्ष लागलं आहे. 

'किचन कल्लाकार' या कार्यक्रमाला प्रेक्षकांची चांगलीच पसंती मिळत आहे. किचन आणि कलाकार हे समीकरण जुळलेलं नसताना पाककलेच्या कसोटीला उतरलेल्या कलाकारांची उडणारी तारांबळ बघताना प्रेक्षकांना खूप मजा येत आहे. प्रेक्षक आपल्या लाडक्या कलाकारांना या कार्यक्रमात किचनमध्ये धावपळ करताना पाहतात. 'किचन कल्लाकार'च्या मंचावर नेहमीच नवनवीन प्रयोग होत असतात. या मंचावर कधी राजकारणी नेते येतात, तर कधी बच्चे कंपनी त्यामुळे प्रेक्षकदेखील 'किचन कल्लाकार' या कार्यक्रमाची आतुरतेने वाट पाहत असतात.

संबंधित बातम्या