Movie Announcement : दीपिका-ऋतिक पहिल्यांदाच स्क्रिन शेअर करणार; 2023 मध्ये आगामी चित्रपट प्रेक्षकांच्या भेटीला

पहिल्यांदाच बॉलिवूडची मस्तानी दीपिका पादुकोण आणि ऋतिक रोशन एकत्र स्क्रिन शेअर करणार आहेत. आगामी चित्रपट फायटरमधून ही जोडी प्रेक्षकांच्या भेटीसाठी येणार आहेत.

दीपिका पादुकोण आणि ऋतिक रोशन

Movie Announcement : दीपिका पादुकोण आणि ऋतिक रोशन दोघंही पहिल्यांदाच चित्रपटात एकत्र दिसून येणार आहेत. दोघेही सिध्दार्थ आनंद दिग्दर्शित 'फायटर' या आगामी चित्रपटात स्क्रिन शेअर करणार आहेत. हा चित्रपट 26 जानेवारी 2023 रोजी रिलीज करण्यात येणार आहे. यापूर्वी हा चित्रपट 2022 मध्ये रिलीज केला जाणार असल्याचं सांगितलं जात होतं. 

'फायटर'चं चित्रिकरण यापूर्वीच सुरु झालं असून दीपिका आणि ऋतिकची ऑन स्क्रिन केमिस्ट्री पाहण्यासाठी चाहते उत्सुक आहेत. या चित्रपटाच्या घोषणेपासूनच सोशल मीडियावर या चित्रपटाच्या चर्चा रंगल्या आहेत. काही दिवसांपूर्वीच ऋतिकनं दीपिका पादुकोण आणि दिग्दर्शक सिद्धार्थ यांच्यासोबतचा फोटो शेअर केला होता. 

प्रजासत्ताक दिनी होणार प्रदर्शित 

ऋतिकनं इन्स्टाग्रामवर शेअर केलेल्या फोटोंमुळे अनेक चर्चांना उधाण आलं होतं. वायकॉम 18 स्टुडियोचे प्रोड्यूसर अजीत अंधेरेनं एक ट्वीट करत यासंदर्भात माहिती दिली. त्यांनी आपल्या ट्वीटमध्ये म्हटलं आहे की, "2023 च्या प्रजासत्ताक दिनी तयार राहा भारताचा पहिला वहिला हवाई अॅक्शनपट फायटरसाठी. ऋतिक रोशन आणि दीपिका पादुकोण बॉक्स ऑफिसवर येत आहेत.

ऋतिकनं सांगितली फोटोमागील गोष्ट 

ऋतिक रोशननं इंस्टाग्रामवर काही फोटो शेअर केले आहेत. या फोटोमध्ये ऋतिकसोबत दीपिका पादुकोण, दिग्दर्शक सिद्धार्ध आनंदही होते. हा फोटो शेअर करत ऋतिकनं लिहिलं होतं की, "ही गँग उडण्यासाठी तयार आहे. #Fighters" ऋतिकच्या कमेंटवर अनेक बॉलिवूडकरांनी कमेंट केल्या होत्या. दीपिकानंही ऋतिकच्या पोस्टवर कमेंट करत लिहिलं की, "हा! जसं आम्ही ते खाणं पचवतो!"

महत्त्वाच्या इतर बातम्या :