'... कारण मी दीपिकासारखी नव्हते'; अभिनेत्री फातिमा सना शेखचा धक्कादायक खुलासा
दंगल फेम अभिनेत्री फातिमा सना शेखने काही दिवसांपूर्वी एका मुलाखतीत बोलताना इंडस्ट्रीबाबत धक्कादायक खुलासे केले आहेत. तिने इंडस्ट्रीची नवी बाजू सर्वांसमोर मांडली आहे.
मुंबई : गेल्या काही दिवसांपासून दंगल फेम अभिनेत्री फातिमा सना शेख बरीच चर्चेत येऊ लागली आहे. कारण सातत्याने ती अनेक गोष्टींचा खुलासा करत आहे. आता तिने इंडस्ट्रीची नवी बाजू मांडली आहे. फातिमाने पहिल्यांदाच इंडस्ट्रीत असलेल्या दृष्टिकोनावर भाष्य केलं आहे.
फातिमाने एका मुलाखतीत सांगितलं की, 'मी इंडस्ट्रीत आले तेव्हा मला पहिल्यांदा मी हिरोईन मटेरिअल नाही, असं सांगण्यात आलं. कारण मी दीपिकासारखी किंवा ऐश्वर्या रायसारखी दिसत नाही. त्यामुळे मला सिनेमे येणारच नाहीत, असं ठामपणे सांगण्यात आलं होतं. त्यावेळी इंडस्ट्रीतून बाहेरच जावं की, काय असंही मला वाटून गेलं. पण मी त्यातून मार्ग काढला. काहीही करून सिनेमा क्षेत्रात यायचं मी ठरवलं होतंच. पण चांगल्या संधीची वाट मी पाहात होते. दंगल या चित्रपटाने मला ती संधी दिली.' असं फातिमा सांगते.
View this post on Instagram:) #throwback @tejasnerurkarr @trushala_nayak @candies_collection
गेल्या काही वर्षांपासून बॉलिवू़डमध्ये वेगळ्या विषयांवरचे सिनेमे बनू लागले आहेत. ज्यात केवळ हिरोईन मटेरिअल असलेल्या अभिनेत्रींपेक्षा वेगळ्या भूमिकांसाठी महिलांचा विचार होतो आहे. त्यामुळे अलिकडच्या काळात कोणीही अभिनेत्री अभिनयाच्या जोरावर इथे करिअर करु शकते असंही फातिमा सांगते.
आमीर खानने शोधलेली नायिका म्हणून फातिमाकडे पाहिलं जातं. दंगलमध्ये तिने केलेल्या अभिनयाचं खूपच कौतुक झालं होतं. सुपर मॉडेल नसूनही सिनेमे मिळू शकतात. हा आत्मविश्वास आमीरने आपल्याला दिला, असंही फातिमा सांगते. परवाच एका मुलाखतीत बोलताना फातिमाने नवी गोष्ट सांगून सगळ्यांना धक्का दिला होता. मी अवघ्या तीन वर्षांची असताना माझं शोषण झालं होतं, असा गौप्यस्फोट तिने केला. अलिकडे महिला खूपच असुरक्षित बनल्या आहेत. लैंगिक शोषणाने आपली मूळं खूप खोलवर रुजवली आहेत. त्याचा आता सामना करण्याची वेळ आली आहे, असं ती म्हणते.
महत्त्वाच्या इतर बातम्या :
महत्त्वाच्या बातम्या
ट्रेंडिंग न्यूज
